Jagger

营业中

休息中

今日我同朋友去左尖沙咀嘅Jagger食嘢，呢间餐厅环境好舒适，氛围都好正，灯光同埋霓虹灯牌好靓，打卡一流～我地先叫咗一份波士顿龙虾意粉，一上嚟已经有一阵香气嚟弥漫，龙虾肉好鲜嫩，配上意粉煮得刚刚好，每一口都食到鲜甜嘅海鲜味，真系令人回味无穷。之后我地又试咗一份香辣茄汁海鲜烩意大利饭。呢个真系一个惊喜！意大利饭煮得好有咬口，每粒饭都吸收咗茄汁同海鲜嘅味道，加埋啲香辣调味，真系味道好丰富。仲有啲虾、蟹同带子，份量好多，好满足！甜品方面唔可以错过心太软。佢系Jagger嘅招牌甜品，真系一个绝对嘅必试！心太软系一个朱古力蛋糕，切开个时，朱古力嘅酱汁就流出嚟，好诱人。食落去，朱古力蛋糕好滑好浓郁，真系令人食到欲罢不能😋最后，我地叫咗一杯特色cocktail "Just for You"。呢杯酒真系好特别！佢系由 bar tender 为客人度身订造而设，首先客人拣好酒底，譬如 whisky/gin/sake，再提出想要辣身啲定系甜啲之类，bar tender就会按照你嘅口味要求制作出独一无二嘅Cocktail，包啱你口味！总括而言，Jagger系一间好值得推介嘅餐厅。食物好味道，服务态度好好，环