影片
更多
2018-02-10
1152 浏览
今晚同相识廿载嘅朋友聚一聚兼当食团年饭，问大家有无咩心水，只喺话想食得特别啲，所以，就不如试吓「沙嗲轩」，卖新加坡菜嘅餐馆中，佢都算喺老字号。再者，佢都附属晌酒店嘅餐厅，环境及招呼都有多少少保证嘛！刚推出贺年菜「鱼生捞起」，够晒应节啦，友情一线牵。虽然喺新加坡菜馆，但内里无乜好娘嘅「风味」装饰，反而一室时尚简约嘅装修，木地板中加点花砖，白色墙身加点植物同小装饰，加上枱櫈嘅编排唔会密麻麻，稍微高嘅楼底，整体环境都予人舒服之感。我哋嚟得早，客人未喺好多，专登拣咗最入嘅梳化位，自成一角静静局，倾吓偈。趁未人齐，就翻翻餐牌，因为，对上一次到访沙嗲轩（尖沙咀店）已喺2012年嘅事。晌分类上，包括前菜、汤品、鸡类、牛肉、海鲜、特色招牌菜、饭类、蔬菜类，尾𠮶两页就喺饮品及甜品。如果唔知点拣，不妒晌中间两大页嘅厨师推介中做选择，喺拣菜嘅懒人包。热薏米水 $48唔饮得冻饮嘅朋友就拣热薏米水，贪其健康，外表就当然平平无奇，但佢话饮落薏米味突出，又话有利水消肿、健脾去湿、舒筋清热……等功效。美禄哥斯拉 $68依家讲话美禄恐龙相信好多人都识，甚至有茶记出埋阿华田恐龙，但美禄哥斯拉又喺乜呢？原来喺美禄加云呢嗱雪
虽然喺新加坡菜馆，但内里无乜好娘嘅「风味」装饰，反而一室时尚简约嘅装修，木地板中加点花砖，白色墙身加点植物同小装饰，加上枱櫈嘅编排唔会密麻麻，稍微高嘅楼底，整体环境都予人舒服之感。我哋嚟得早，客人未喺好多，专登拣咗最入嘅梳化位，自成一角静静局，倾吓偈。
趁未人齐，就翻翻餐牌，因为，对上一次到访沙嗲轩（尖沙咀店）已喺2012年嘅事。晌分类上，包括前菜、汤品、鸡类、牛肉、海鲜、特色招牌菜、饭类、蔬菜类，尾𠮶两页就喺饮品及甜品。
如果唔知点拣，不妒晌中间两大页嘅厨师推介中做选择，喺拣菜嘅懒人包。
热薏米水 $48唔饮得冻饮嘅朋友就拣热薏米水，贪其健康，外表就当然平平无奇，但佢话饮落薏米味突出，又话有利水消肿、健脾去湿、舒筋清热……等功效。
美禄哥斯拉 $68依家讲话美禄恐龙相信好多人都识，甚至有茶记出埋阿华田恐龙，但美禄哥斯拉又喺乜呢？原来喺美禄加云呢嗱雪糕，贪新奇嘅朋友就拣佢，仲话饮饮吓似奶昔。
椰青 $62小弟就点个椰青，贪其有清甜嘅椰肉食，而啲椰青水又确喺清甜好饮，一整个，份量又够大㖞，由餐前饮到餐尾。
椰青
$62
13 浏览
0 赞好
0 留言
见到啱啱推出咗款「鱼生捞起」，睇啲单张介绍喺新加坡及马来西亚华人嘅传统贺年家常菜，将菜式中嘅食材及酱料一齐捞起，寓意晌新一年里「风生水起」及「愈捞愈旺」，虽然我哋唔迷信，但贪新鲜都想捞吓佢。
菜式中好多食材或酱汁都有唔同寓，店长讲完一次都未必记得晒，好彩单张都有啲介绍。仲话夹起捞匀材料时要一起欢呼「捞起！捞起！」，材料捞得愈高，寓意愈风生水起，哈哈，讲明我哋唔迷信，就捞得含蓄啲，所以，我哋咪打一世工都捞唔起啰！
整道「捞起」卖相精致，一碟喺所有食材，包括：三文鱼、薄脆、柚子肉、米粉、甘笋丝、蕃薯丝、青萝卜丝、五柳条、柠檬叶、青柠及芫茜，非常丰富；另一碟喺酱汁及配料，包括：梅子酱汁、麻油、盐、芝麻、花生碎、胡椒粉……等等，当然，唔喺一定要落晒，大可按个人喜好再调和，但梅子酱汁、麻油、芝麻、花生碎依几款酱料胆落晒都无坏。
鱼生捞起
$388
16 浏览
0 赞好
0 留言
最紧要喺捞得够匀，捞匀之后，入口感觉清爽，因为唔少材料都喺爽口嘅食材，如柚子肉、甘笋丝、蕃薯丝、青萝卜丝等，而且，味道纷陈丰富，甜、酸、辣有层次却唔会杂乱，大家都大赞好睇、好玩、好食！
沙嗲 $102沙嗲有鸡牛猪供选择，亦可以要齐3款，唔使多讲我哋就梗喺要齐3款啦。啲肉烧得有炭火香，热辣辣，上枱已嗅到肉香，咬落汁丰肉嫩，绝无「干争争」嘅问题，啲焦㶶位就更加正，配上自家制花生沙嗲酱，有浓郁嘅花生香，沾过之后就变得更加惹味。伴菜仲加咗啲青瓜粒，作为间场，一串沙嗲、一件青瓜粒，再食沙嗲就保持到𠮶份浓香惹味。
沙嗲
$102
35 浏览
1 赞好
0 留言
近排真喺意外地同海南鸡偶遇多咗，而是晚晌沙嗲轩食到嘅海南鸡真喺水准极高。先讲黄红黑三色酱料：姜蓉、特制辣椒酱、黑酱油，味道都好对版，尤其啲黑酱油，浓稠带微甜，伴鸡特别有特色；鸡肉滑嫩脂肪少，鸡皮亦十分爽口，全部都去晒骨，啖啖肉，食味真喺一流，况且，半只嘅份量真不少，食得尽兴。
招牌海南鸡（半只）
$218
11 浏览
1 赞好
0 留言
焗胡椒虾 $318黑胡椒蟹晌星加坡好出名，反而焗胡椒虾就未食过，睇样似喺煎焗嘅做法，送到嚟真喺好有胡椒香。用上虎虾，所以，就算开边都仍然够大只，再者，啲胡椒香更「入肉」，唔喺得外表一层，虾肉好爽弹，胡椒香中亦食得出虾嘅鲜味。
焗胡椒虾
$318
16 浏览
0 赞好
0 留言
香辣通菜 $78睇中文你未必知「香辣」指乜，其实就喺参峇酱，简单讲，小弟就当佢喺马拉「虾酱」，炒起啲通菜咸香惹味，而且，啲通菜翠绿嫩口，食落无渣。
白肉骨茶 $88小弟唔喺想扮代表，皆因去过多次星马，知少少肉骨茶分为新加坡嘅潮州派同马来西亚嘅福建派，前者落较少药材，味道比较清淡，反而多咗朕稍重嘅胡椒味，夏天饮有醒神嘅感觉；后者就下得药材较多，所以味道比较浓郁，略带甘苦，冬天饮有暖胃嘅作用，仲可提高身体抵抗力。今次晌度试嘅系前者，味道较清带胡椒香，细细件嘅排骨焖得松化，伴几件油炸鬼，个人钟意浸完汤再沾黑酱油同食。
星洲炒萝卜糕 $108以防大家食唔饱，最后就梗喺以一道淀粉质菜式填满大家肚皮，讲特色星洲炒萝卜糕相信无乜人反对，食落口感有啲似大马嘅炒粿条咁。萝卜糕质感软身，萝卜味重，萝卜糕以外，仲有虾仁、蛋浆同炒，更混有少少菜脯粒，食落惹味咸香。
星洲炒萝卜糕
$108
37 浏览
1 赞好
0 留言
张贴
