MGB by Manhattan Grill & Bar (已結業)

好少机会去啲高级食肆，难得今晚有人请客一于满足吓啲虚荣先！MGB 最啱三两知己，两小无猜撑枱脚 因为佢店内灯光柔和，环境气氛令人非常 relax，食品份量轻巧精致，令人食欲大增 等我介绍下……前菜 - 蕃茄蒜蓉包 - 蕃茄用橄榄油腌过配上脆卜卜嘅蒜蓉包，酸甜咸香，一入口就口水大爆发！大虾牛油果沙律（芒果汁） - 芒果香甜，大虾爽口，牛油果 creamy，生菜爽脆。味道独立得嚟又可以融合得好好，简直系梦幻沙律！水牛城辣鸡翼 - 脆炸鸡翼外层蘸满特制酱汁，香、辣、甜味道层次分明，又一次刺激味蕾 主食 - 美国威灵顿牛柳 - 系我朝思暮想嘅菜式牛柳完美煎封，锁住肉汁，外层包住蘑菇酱，再包一层酥皮，焗至半熟。真系少啲心机少啲技巧都唔得架！鲜虾带子卡邦尼扁意粉 - 鲜虾、鲜带子，配卡邦尼忌廉汁扁意粉！海鲜嘅鲜味，浓郁嘅奶油味，我而家仲回味紧 甜品 - 特浓朱古力心太软配草莓雪糕 - 香浓嘅朱古力蛋糕入面，注满特浓黑朱古力浆，配香甜嘅士多啤梨雪糕，味道配合完美。生日嘅话仲可以响碟上写祝福句，虽然老土，但超窝心充满欢乐嘅气氛，高品质嘅美食，造就完美嘅晚餐！推介！推介！推介！