On Time Coffee & Kitchen (已結業)

上环一向多咖啡店，特别系苏杭街，今日经过发现有一间新店进驻，当然要周末cafe闯荡。餐厅有set lunch，英式全日早餐只系$100楼下几吸引，不过见餐牌上有本店推荐，所以就相信餐厅，叫左辣墨鱼汁海鲜意粉同蟹膏蟹肉意粉。蟹膏蟹肉意粉既蟹肉几多，每啖意粉亦尝到蟹肉鲜甜，意粉偏硬。入面仲有红椒同洋葱，味道更丰富。辣墨鱼汁海鲜意粉不过不失，食完之后嘴唇变晒黑色我哋每人再加$20转左套餐，套餐可以选择沙律或者薯条。薯条几香脆，不过少少油。嚟咖啡店当然要试吓餐厅嘅咖啡。呢杯latte既玫瑰花拉花非常漂亮。吉茶即系焙茶拿铁，有时焙茶味太浓未必个个人都接受到。On Time既吉茶奶味较重，焙茶香紧随其后，味道更容易接受。食完on time更令我深信上环嘅咖啡店具备一定水准，等我之后再为大家发掘多啲上环嘅咖啡店。