川公所 (已結業)

重口味嘅小妹終於搵到朋友可以陪小妹一齊瘋狂去食辣嘢啦，今次嚟到就係淘大嘅呢一間叫做川公所嘅餐廳☺️餐廳嘅裝修幾有特色，以紅藍色黎做主題，感覺真係好似以為自己去咗旅行🙈 座位幾闊落，而且空間感都幾足夠😀所以整體嘅環境唔錯👍🏻今日想食啲比較香口啲嘅嘢，所以叫咗小酥肉，每粒都係細細粒，非常易入口，小妹覺得配啤酒嘅話簡直係一流😂佢嘅肉質唔會炸到好乾，仲留到個肉汁，正😋之後仲叫咗五花腩，非常薄片，烤到唔會好乾，仲烤到有啲油脂爆喺個口裏便證明佢嘅火候係做得啱啱好🙂最後，叫埋呢個雞軟骨！呢個真心推介❤️因為即叫即整嘅關係，食落口係熱辣辣，咁新鮮嘅時候食落去滿口雞骨有香味好正！整體黎講成個體驗都唔錯，性價比都幾高！下次會試下水煮魚或者其他川菜料理😁😁😁