喜喜冰室 (已結業)

今日要到铜锣湾公干，约左各头目系喜喜冰室见面。上网查过薄有名气想黎试试，点知等的士等左 45 分钟，迟大到啦！唯有自己一个食。第一次黎帮衬，研究吓个 menu 先，一头雾水，连早餐都唔知点叫添！揭黎揭去都揾唔到早餐，咁见到插住张咭有福面早餐，是但啦。𪠳！终于见到张早餐 menu，原来摄系枱面度，早啲见到我就食沙嗲牛面啦，特别啲试猪润或鲜牛都好，虽然佢地出名系叉烧汤意粉。渡轮餐？个名几搞笑。喜喜冰室主打怀旧本土茶餐厅菜式，好有惜日情怀，我一把年纪当然知道点解叫渡轮餐啦。内笼装修保持七八十年代冰室味道，职员们既制服都有复古 look 添。婶婶及哥哥们都招待热情有礼，系有位似部长既叔叔较为高傲，无咩笑容及较冷感。红肠煎蛋福字伊面餐，跟合桃蛋糕咁得意既？以前真系兴架？虽然我唔钟意食蛋糕，点都要试试啦。又几香几好味㖞，质感松软，甜而不浊，带点清香添。热奶茶配怀旧方糖及锑盅，几有趣，味道大路稳阵，满意。红肠煎蛋福字伊面，见到有福面供应，梗系食啦，点知系泡面唔系即煮，初时劲失望啰！好采系用滚热辣热水浸，唔会学大快活用暖水浸死个面啫！睇得到既质优，热辣辣食落汤浓面弹，合格。流心荷包蛋，good 㖞。试