影片
更多
2016-11-26
1618 浏览
为咗庆祝生日，提早一星期订枱同埋花蟹汤底。订了八点，朋友七点几接近八点去到坐低，其后我八点去到，一坐低先俾人教训，做乜七点几黎霸住张枱令佢做少咗生意。真系好奇怪，俾枱𠮶阵又唔出声，之后人齐就开始教训我哋？ 一坐低个女嘅负责人就系咁俾说话客人听，呢啲系咩服务？之后仲离谱！我哋叫晒野，然后一而再，再二三问佢：之前订咗嘅汤底呢系咪留咗单啊？点解咁耐仲未到嘅？个囡嘅负责人重复喺度讲话要等一阵架𠮶个汤底呢啲蟹要炒要整。于是乎我哋等左超过一个钟直到九点几都未有汤底俾我哋打边炉。再追问第二个负责人先话原来冇晒我哋订个汤底。如果系咁，预订黎有咩意思呢？如果冇又唔一早讲，点解要三催四请左咁多次，一个钟头后先话冇呢？之后个负责人话，我哋最多玩个好贵嘅中虾汤底俾你地啦。于是我地再等多15分钟，点知黎到系一个一般铺头5分钟都唔使已经可以有嘅普通汤底，中求其用啲好普通嘅虾三小只就话系好贵嘅中虾汤底来敷衍客人。真系好离谱无论食物同质素服务连去大家乐打个边炉都不如。打边炉最紧要系乜嘢？连个波都比唔到客人请问咩叫打边炉呢？食物开天杀价，然后食到一肚气，一间咁嘅铺头可以喺九龙城仲生存到真系难以想像，最后到一半我哋决定走
为咗庆祝生日，提早一星期订枱同埋花蟹汤底。订了八点，朋友七点几接近八点去到坐低，其后我八点去到，一坐低先俾人教训，做乜七点几黎霸住张枱令佢做少咗生意。
真系好奇怪，俾枱𠮶阵又唔出声，之后人齐就开始教训我哋？ 一坐低个女嘅负责人就系咁俾说话客人听，呢啲系咩服务？
之后仲离谱！
我哋叫晒野，然后一而再，再二三问佢：之前订咗嘅汤底呢系咪留咗单啊？点解咁耐仲未到嘅？
个囡嘅负责人重复喺度讲话要等一阵架𠮶个汤底呢啲蟹要炒要整。于是乎我哋等左超过一个钟直到九点几都未有汤底俾我哋打边炉。再追问第二个负责人先话原来冇晒我哋订个汤底。
如果系咁，预订黎有咩意思呢？如果冇又唔一早讲，点解要三催四请左咁多次，一个钟头后先话冇呢？
之后个负责人话，我哋最多玩个好贵嘅中虾汤底俾你地啦。于是我地再等多15分钟，点知黎到系一个一般铺头5分钟都唔使已经可以有嘅普通汤底，中求其用啲好普通嘅虾三小只就话系好贵嘅中虾汤底来敷衍客人。
真系好离谱无论食物同质素服务连去大家乐打个边炉都不如。打边炉最紧要系乜嘢？连个波都比唔到客人请问咩叫打边炉呢？
食物开天杀价，然后食到一肚气，一间咁嘅铺头可以喺九龙城仲生存到真系难以想像，最后到一半我哋决定走啦，食餐安乐茶饭都唔得，当啲客系乞儿，绝对唔会有下次！
张贴