影片
更多
2024-10-09
993 浏览
首先，我都唔系净系食过呢度一次，上次俾我感觉系啲嘢好食但份量不多，以及侍应非常冇礼貌。事关上次黎食饭，见到个男侍应声大兼恶闹隔篱枱个客人：我话咗要半个钟㗎啦，点解你仲要催我？今次同同事食，坐低已经见到梳化有一摊不明液体以及用过嘅纸巾，枱面亦都有用过嘅纸巾，我叫亚麻色头发男侍应唔该帮我清理梳化上面𠮶滩水，佢居然话𠮶度有纸巾 叫我哋自己清洁。咁请问服务费系唔系应该我向你哋收返？我同同事都嗌咗猪扒配薯蓉，我食咗几啖先记得要影相，份量可以参考我张相上面𠮶一份食物。餐汤系薯仔汤，觉得有少少淡可以再浓味啲，个餐包好有香草味，但系𠮶块牛油之类嘅物体几乎完全冇味。橙汁就正常橙汁冇咩特别。猪扒系煎得好食，几有猪肉香味，亦有肉汁，但我𠮶块都真系比较多肥膏，肥膏比较硬，所以我食唔到，薯蓉唔够杰身，太腍，香味一般，整体主菜食物方面份量一向都系偏少，够女仔食得饱，但味道系唔错，厨师系值得一赞。食物上枱𠮶一刻，想拎餐具，无奈只只餐具都系非常污糟，我同事抹完个面之后先发现原来个底仲污糟过面，但佢已经用𠮶个匙羹饮咗几啖汤啦总括食物算好食，但唔干净及冇服务，埋单价钱每人要$108，只可以称之为正常，称唔上抵食，你做客人
今次同同事食，坐低已经见到梳化有一摊不明液体以及用过嘅纸巾，枱面亦都有用过嘅纸巾，我叫亚麻色头发男侍应唔该帮我清理梳化上面𠮶滩水，佢居然话𠮶度有纸巾 叫我哋自己清洁。咁请问服务费系唔系应该我向你哋收返？
我同同事都嗌咗猪扒配薯蓉，我食咗几啖先记得要影相，份量可以参考我张相上面𠮶一份食物。餐汤系薯仔汤，觉得有少少淡可以再浓味啲，个餐包好有香草味，但系𠮶块牛油之类嘅物体几乎完全冇味。橙汁就正常橙汁冇咩特别。
猪扒系煎得好食，几有猪肉香味，亦有肉汁，但我𠮶块都真系比较多肥膏，肥膏比较硬，所以我食唔到，薯蓉唔够杰身，太腍，香味一般，整体主菜食物方面份量一向都系偏少，够女仔食得饱，但味道系唔错，厨师系值得一赞。
食物上枱𠮶一刻，想拎餐具，无奈只只餐具都系非常污糟，我同事抹完个面之后先发现原来个底仲污糟过面，但佢已经用𠮶个匙羹饮咗几啖汤啦
总括食物算好食，但唔干净及冇服务，埋单价钱每人要$108，只可以称之为正常，称唔上抵食，你做客人仲要做埋清洁𠮶份，加上餐具系超污糟，我认为影响食物安全，唔知会唔会令到客人肚痛，本来系想比差评，但系厨师厨艺唔差，拯救咗呢篇食评去到中评，希望佢哋早日改善自己员工嘅服务态度同质素以及卫生情况。
张贴
