影片
更多
2022-09-24
1446 浏览
极度不愉快既经历经app叫外卖自取，显示12:26可取餐。准时落到去话未有，咁心谂都系等一阵啦。听到其他人张订单早我十零张，都重等紧，咁我出去兜个圈再返黎。10分钟之后返黎，一问又系未得，再等等。见到头先前面班人重系度，开始觉得唔对路。听到有位师兄话12点落既单都未有，开始投诉。于是同平台客服讲，佢话帮手查询下。间舖就愈黎愈多人叫外卖，个收银就一味叫人等，重话好多单出紧。无意间听到个收银阿姐讲电话，应该系平台客服，佢对住客服讲x015之后既单全部出唔到收唔到啊！我心谂，我个号码咁岩系呢个后两个。即时再同平台客服讲取消订单，呢个时候已经讲紧12:55分，我已经系间舖等左半个钟。同阿姐再问，阿姐一味叫你等，重话好多单。个平台客服又话餐厅唔俾取消单，唔俾退款。同一时间已经几位师兄同阿姐嘈紧(佢地个订单早我十几个号码)我即时再嘈个平台客服，讲返话餐厅完全收唔到订单，一定要退款。又搞左十分钟，先真正取消单。我后面听到重有d单系迟我20个号码既，我真系只能心里祝福佢，我肚饿，拿拿临走求其食野算。其实成件事就好简单，阿餐厅你忙咪唔好接咁多单啰。好啦，接完单迟少少出到都唔紧要。点知由头到尾，张单根本无
经app叫外卖自取，显示12:26可取餐。
准时落到去话未有，咁心谂都系等一阵啦。听到其他人张订单早我十零张，都重等紧，咁我出去兜个圈再返黎。
10分钟之后返黎，一问又系未得，再等等。见到头先前面班人重系度，开始觉得唔对路。听到有位师兄话12点落既单都未有，开始投诉。
于是同平台客服讲，佢话帮手查询下。间舖就愈黎愈多人叫外卖，个收银就一味叫人等，重话好多单出紧。
无意间听到个收银阿姐讲电话，应该系平台客服，佢对住客服讲x015之后既单全部出唔到收唔到啊！我心谂，我个号码咁岩系呢个后两个。即时再同平台客服讲取消订单，呢个时候已经讲紧12:55分，我已经系间舖等左半个钟。
同阿姐再问，阿姐一味叫你等，重话好多单。个平台客服又话餐厅唔俾取消单，唔俾退款。同一时间已经几位师兄同阿姐嘈紧(佢地个订单早我十几个号码)
我即时再嘈个平台客服，讲返话餐厅完全收唔到订单，一定要退款。又搞左十分钟，先真正取消单。我后面听到重有d单系迟我20个号码既，我真系只能心里祝福佢，我肚饿，拿拿临走求其食野算。
其实成件事就好简单，阿餐厅你忙咪唔好接咁多单啰。好啦，接完单迟少少出到都唔紧要。点知由头到尾，张单根本无接过，d 人问就一味叫人等。系统唔掂又唔早d出声，你知出左事，d 人一问你即刻叫人取消都无咁燥，有d人等成个钟都未有餐。
我就唔知间野好唔好食，不过我就以后都唔再食啦。又咁讲，间野咁忙，可能佢都唔希罕我呢个客仔呢=]
张贴