棋哥燒鵝餐室

营业中

休息中

下午茶时间见到门口个餐牌，44蚊烧味𩠌饮品，入去嗌外卖，一个著高高瘦瘦、黑色老西、有一定年纪嘅女经理居然无端端收48蚊。呢个时候，一个唔知餐牌、唔识做餐厅、赶客、自己犯错但死赖客人嘅女店员 戏码开始了：第一次反映「唔系44蚊？」，佢好似反应过黎自己做错，迟疑一下开始赖客「下午茶先系44，正价48，呢个有个汤。你下次要讲清楚啊」。真心怀疑佢第一日返工甚至第一日做餐饮，本黎大部分餐厅下午茶时间就落默认落下午茶单，即使你唔确定系咪都应该问下客人？下午茶本身就有饮品，边个稀罕你48有个汤（后黎交涉又改口「无」）。仲教育个客「下次点点点」，你间舖d客都俾你嘅态度赶走晒啦，无下次啦阿姐。见女店员咁差嘅服务，我坚持要翻44蚊下午茶，退钱时佢依然恶死愣登闹客「下次讲清楚！」，毫无反省自己嘅意识仲赶客。但跟住摞到手嘅餐居然无饮品（以为默认有店员之前讲嘅汤），又折返问佢。第二次反映「点解无饮品/汤」，女落单店员阿姐又开始闹客「你要一次过讲清楚啊，无汤噶我地，你要饮咩」。最后终于摞到有饮品嘅餐如图，鸡肉少又柴。呢间嘢执得噶啦，唔即刻执都俾呢个女人做衰招牌。