回到味來 (已結業)

天气开始转凉，去食鸡煲或者边炉就最好，同朋友讲起佢都话想一齐去食，咁就揾间交通方便既黎食下，上网揾到依间都唔错，comment几好，就一于黎食下。 睇睇menu，个汤底都有几款拣，咁我地都系想食鸡煲，所以都系集中睇辣既恶魔鸡煲同埋唔辣既黄烂鸡煲。因为我地都系食得辣既关系，拣左半只恶魔鸡煲，小辣。 个鸡煲系厨房个度已经准备好，黎到大约等2-3分钟就食得。配料好多，虽然系小辣，但都几辣下，好惹味。而且鸡肉分量都几多，鸡肉够嫩，值得一赞。 食完鸡煲就落汤打边炉啦，因为我地9点前入坐既关系，有海产送，系蚬黎既，都好鲜甜又无沙。 今日唔叫牛肉，就试下佢羊肉卷，羊肉卷有小小膻，但可接受，点一点酱油，好香羊肉味。 丸拼盘又系值得推介，全部丸都系自家制，尤其是牛肉丸，当我谂住用筷子吉入个丸个阵，有D 汁爆出黎，我个阵仲以为系贡丸黎，但原来系牛肉汁黎，而且肉质弹牙。其他丸仲有猪肉丸、虾丸同埋墨鱼丸。 另外仲有手工饺拼盘，都系自家制，都唔错。 打边炉其实净系食肉就唔饱既，一定都系要食下D 殿粉质食物，平时都系会拣公仔面或者乌冬，但依度有得拣伊面，简直系绝配。因为伊面吸左D 汤底之后够哂味，而且又够冧，一个