回到味來 (已結業)

呢度分左两款放题，$248多咗任食海鲜串烧，唔使谂我哋净系叫咗贵啲𠮶款，可以试多啲！普通串烧同海鲜串烧都有好多唔同类型，仲要有台式饮品任饮，边食鸡煲边解辣！煲底可以叫卜卜砚或者鸡煲，我哋拣咗鸡煲，唔食得辣嘅朋友尽量唔好叫中辣，因为平时食开谭仔小辣嘅我哋都食到孖润肠😂恶魔鸡煲香辣惹味，鸡件嫩滑新鲜，仲有得无限添食！🐣食完鸡煲可以转汤底，五款汤底提供选择， 黄金南瓜海蚬汤、 蕃茄浓汤、四川麻辣汤、 芫茜皮蛋汤和自家清汤，我哋叫咗番茄汤。火锅配料系出边雪柜任拎，出面嘅肉类老实讲真系麻麻哋，所以我哋主打食菜同丸类不过呢个雪花分布均匀既本地手切牛颈脊真系好抵赞，嫩滑有牛味。钟意食海鲜嘅我哋叫咗好多海鲜串烧，生蚝扇贝等等，全部都用咗好多蒜蓉，劲正！总括而言，呢间真系好抵食，一个价钱就可以满足晒多个愿望。