回到味來 (已結業)

系信和隔离嘅旺角新城，原来都有好多食饭options ，系门口嘅广告见到呢间有“恶魔鸡煲”，就吸引左黎食。餐厅整体用餐环境、气氛都几舒服，就算两个人都系坐四人卡位。两个人叫左半只鸡嘅 恶魔鸡煲，拣左小恶魔，即系少辣。如果食得辣嘅，星期日至四黎，可以拣中恶魔或者大恶魔，会有全单九折、或者八折。 鸡煲味道唔错，值得再食。另外仲加左 回到味来手打牛拼盘 打边炉，有牛肉丸、牛筋丸同埋牛肉饼，牛味十足，丸类仲好弹牙，因为系用100%纯牛肉。