漁牧 (已結業)

想不到，一路只开晚巿的渔牧都推出午餐SET。原本系谂住去隔离的茶木食饭，但见渔牧开咗，午餐SET又好鬼抵，所以走入去试一试。福建炒饭套餐呢度啲套餐都系几十蚊一套，有饭有埋嘢饮。茶餐厅价钱，好抵食。而且座位绝对舒服过楼下的茶餐厅。不会俾人赶、又唔逼，冷气也比一般茶记的够冻。所以都好抵过黎试一试！呢一碟福建炒饭，够晒大碟，份量足对够晒诚意。而且用料好足，当中有虾仁、肉片及蔬菜，够量份量！陈皮冬瓜鸭腿汤饭呢个系我自己比较喜欢，因为一般茶记比较少呢一款菜式。而且佢坚系原只鸭腿上。系夏天食，还可以消消暑。用上了老陈皮，个汤好够味，再加上消暑的冬瓜，好啱夏天食这个菜。个饭系另上，大家钟意倒入个汤或者系分开食都可以。手打墨鱼滑汤乌冬唔钟意食饭，可以试呢个乌冬。诚意地用上手打的墨鱼滑，都有好多粒架！墨鱼都几足料，所以食起上黎唔会一旧旧既粉。咬起黎都几弹牙，师父手打都几用项。乌冬呢就还OK，不过不失！个汤头清清地，夏天食也是不错的选择哦～～木瓜雪耳炖猪𦟌想要滋润一下，可以试这个木瓜雪耳炖猪𦟌，一盅上黎，也是份量十足。木瓜有好多件，还有著养颜的雪耳。用上猪𦟌炖一点都不会油，啱晒怕肥又爱滋润的女仕们了吧？