影片
更多
2022-11-15
1554 浏览
🏡为咗同家人饮茶，我哋有幸一尝辉哥任食点心有几抵食！-📍餐厅位于佐敦旧式商业大厦其中一层，由于佢行私房菜路线，所以有别于一般酒楼嘅装潢。简单装修几张枱，地方不大，所有窗户都封住，冇景观，空气亦都充满着一阵枱布味。-💰打正旗号$98任食点心，其实呢个系长者价，成人收费系每位$118，另收茶钱$12一位，仲有加一服务费。所以其实成人每位都要$140。-🍲点心款式唔算多，主要都系得基本款，例如虾饺、烧卖、菜苗饺、咸水角、春卷、萝卜糕、叉烧包、奶皇包等等。-♨️值得一赞系每样点心都热辣辣，可惜卖相同品质就真系非常一般，点心偏咸，用材廉价唔。即使热辣辣嘅包类外皮都一样欠缺软糯，内里馅料亦偏甜。-🫖至于茶叶方面，每个茶壶入边系有一个茶包，基本上冲咗一次之后就冇晒味，我哋九成时间都系饮紧浅黄色嘅水。-👥所谓百货应百客，如果系一个大胃王对食完全冇要求系可以嘅，以量取胜佢绝对系达标。但若果对食物质素稍为有一丁点要求嘅话，就真系考虑清楚，皆因食完之后系有种冇期望都会失望嘅感觉。-🫦$140 一位呢个价钱其实同系大酒楼平时饮茶差唔多，可以有更加好嘅选择！性价比高唔高，好视乎食客系纯粹追求果腹感，定系想同家人品
-
📍餐厅位于佐敦旧式商业大厦其中一层，由于佢行私房菜路线，所以有别于一般酒楼嘅装潢。简单装修几张枱，地方不大，所有窗户都封住，冇景观，空气亦都充满着一阵枱布味。
-
💰打正旗号$98任食点心，其实呢个系长者价，成人收费系每位$118，另收茶钱$12一位，仲有加一服务费。所以其实成人每位都要$140。
-
🍲点心款式唔算多，主要都系得基本款，例如虾饺、烧卖、菜苗饺、咸水角、春卷、萝卜糕、叉烧包、奶皇包等等。
-
♨️值得一赞系每样点心都热辣辣，可惜卖相同品质就真系非常一般，点心偏咸，用材廉价唔。即使热辣辣嘅包类外皮都一样欠缺软糯，内里馅料亦偏甜。
-
🫖至于茶叶方面，每个茶壶入边系有一个茶包，基本上冲咗一次之后就冇晒味，我哋九成时间都系饮紧浅黄色嘅水。
-
👥所谓百货应百客，如果系一个大胃王对食完全冇要求系可以嘅，以量取胜佢绝对系达标。但若果对食物质素稍为有一丁点要求嘅话，就真系考虑清楚，皆因食完之后系有种冇期望都会失望嘅感觉。
-
🫦$140 一位呢个价钱其实同系大酒楼平时饮茶差唔多，可以有更加好嘅选择！性价比高唔高，好视乎食客系纯粹追求果腹感，定系想同家人品尝食物。
-
⚠️餐厅厕所卫生方面，地面充斥着水渍，而且两个水喉都系坏嘅….餐厅出入主要系上咗年纪嘅长者👵🏻🧓为主，地面湿滑呢方面真系有待改善。⚠️
张贴