影片
更多
2021-04-09
1236 浏览
呢间野长期大量外卖车队等候，同附近其他店形成强烈对比，今日我都终于试咗啦。我同朋友从一盒盒摆喺度等紧外卖仔黎拎既外卖睇到，最多人嗌似乎系个拌面。不过今日想食饭，我地两个人都嗌咗盐酥鸡鲁肉饭。我唔饮茶，所以我个餐饮就转左-$10优惠价嗌咗个芋圆糖水。唔好睇盒饭仔细细咁，打开都pack到几满，份量都几多。有半只蛋，有啲酸菜，有啲青瓜丝，有劲多鲁肉，同埋块鸡扒。鸡扒炸得几好，唔会好多粉浆，又唔会炸到好热气咁，鸡肉好滑。啲饭都煮得岩岩好，鲁肉唔系肥淋淋油淋淋𠮶款。我呢排胃口唔好，都差唔多食哂成个咁济。芋圆糖水无影到相，芋圆系几烟韧，糖水甜度适中，不过唔算令人印象深刻。只系附近工厂区都无咩糖水嗌，想食糖水时都可以试下。下次想试下拌面同埋个盐曲鸡。睇人地个盐曲鸡饭盒啲鸡好似份量少少地咁。下次试咗再写食评啦。
我同朋友从一盒盒摆喺度等紧外卖仔黎拎既外卖睇到，最多人嗌似乎系个拌面。
不过今日想食饭，我地两个人都嗌咗盐酥鸡鲁肉饭。我唔饮茶，所以我个餐饮就转左-$10优惠价嗌咗个芋圆糖水。
唔好睇盒饭仔细细咁，打开都pack到几满，份量都几多。有半只蛋，有啲酸菜，有啲青瓜丝，有劲多鲁肉，同埋块鸡扒。鸡扒炸得几好，唔会好多粉浆，又唔会炸到好热气咁，鸡肉好滑。啲饭都煮得岩岩好，鲁肉唔系肥淋淋油淋淋𠮶款。
我呢排胃口唔好，都差唔多食哂成个咁济。
芋圆糖水无影到相，芋圆系几烟韧，糖水甜度适中，不过唔算令人印象深刻。只系附近工厂区都无咩糖水嗌，想食糖水时都可以试下。
下次想试下拌面同埋个盐曲鸡。睇人地个盐曲鸡饭盒啲鸡好似份量少少地咁。下次试咗再写食评啦。
张贴
