影片
更多
2021-11-17
1060 浏览
九龙城泰国菜突然好想食泰国菜，就会想入九龙城食。之前食过依间，记得佢个生菜包好好食，所以又想返兜。今次叫咗几样嘢食。冬阴功炒饭呢个饭都几特别嘅甜甜地辣辣地咁样，闻落都有冬阴功味，但重口味嘅我，觉得可以再辣多少少，同埋个炒饭觉得唔够干身，有啲湿。不过朋友就几钟意食，睇吓你钟意食干身嘅炒饭定湿湿地啦。生菜包呢个生菜包真系好好食呀，啲猪肉碎又唔会好肥好油，而且佢落咗好多香料落去，好多香叶令到个生菜包更加惹味。同佢比一般街食到嘅生菜包辣少少，成个配搭好好食好重口味！真系一定要食一个生菜包。咖喱南瓜焗海鲜佢系重椰香味嘅咖喱，咖喱好滑身食得出好重椰奶味，点薄饼食都几好味嘅。如果钟意食南瓜嘅朋友，会觉得一个好味嘅，因为啲南瓜好林，可以不到南瓜蓉出嚟。泰式生虾只虾好爽，而且佢有炸虾头，个炸得好酥脆。猪手依个猪手拎上嚟嘅时候，觉得佢好似好干身，惊啲肉好鞋口，惊佢硬骨骨唔好食。但系食落又己有惊喜㖞，首先啲猪皮好脆，咬落会有确确声，几香口嘅，而且佢又唔算好油腻，隔油得好好，迟啲肉质呢，亦都冇想像中咁鞋口，都几林个㖞，又唔可以话好滑嘅，但系有Juicy嘅感觉。不过依个建议要多啲人share，始终系猪手一两个人
突然好想食泰国菜，就会想入九龙城食。之前食过依间，记得佢个生菜包好好食，所以又想返兜。
今次叫咗几样嘢食。
冬阴功炒饭
呢个饭都几特别嘅甜甜地辣辣地咁样，闻落都有冬阴功味，但重口味嘅我，觉得可以再辣多少少，同埋个炒饭觉得唔够干身，有啲湿。不过朋友就几钟意食，睇吓你钟意食干身嘅炒饭定湿湿地啦。
生菜包
呢个生菜包真系好好食呀，啲猪肉碎又唔会好肥好油，而且佢落咗好多香料落去，好多香叶令到个生菜包更加惹味。同佢比一般街食到嘅生菜包辣少少，成个配搭好好食好重口味！真系一定要食一个生菜包。
咖喱南瓜焗海鲜
佢系重椰香味嘅咖喱，咖喱好滑身食得出好重椰奶味，点薄饼食都几好味嘅。如果钟意食南瓜嘅朋友，会觉得一个好味嘅，因为啲南瓜好林，可以不到南瓜蓉出嚟。
泰式生虾
只虾好爽，而且佢有炸虾头，个炸得好酥脆。
猪手
依个猪手拎上嚟嘅时候，觉得佢好似好干身，惊啲肉好鞋口，惊佢硬骨骨唔好食。但系食落又己有惊喜㖞，首先啲猪皮好脆，咬落会有确确声，几香口嘅，而且佢又唔算好油腻，隔油得好好，迟啲肉质呢，亦都冇想像中咁鞋口，都几林个㖞，又唔可以话好滑嘅，但系有Juicy嘅感觉。不过依个建议要多啲人share，始终系猪手一两个人食会有啲济。
另外仲叫咗个菜啦，都系啲正正常常炒通菜咁，冇乜嘢特别要推介，不过健康都系要嗌菜食好啲。
张贴
