金寶泰國菜館

营业中

休息中

一直想食泰国菜好耐，之前放假决定同朋友去九龙城食泰国菜，由于太多选择嘅关系，最后选择食金宝泰国菜馆。泰国菜对于我黎讲最吸引系冬荫功汤同生菜包。📍 泰式生菜包辣肉碎沙律(鸡/牛/猪)生菜包叫左猪肉碎，生菜好大块，肉碎好惹味，辣辣地，配搭埋一齐食一流。📍冬荫功汤(细)虽然我地叫左细份量，但每人都可以饮到两碗。味道好浓郁，煲下面有个小火炉热住黎食，唔会即刻冻哂，啲火烧完，职员有主动收走个炉先，好贴心。📍泰式拼盘(细)有凤尾虾春卷，香叶包鸡，泰式串烧同炸虾饼，全部都好好食，跟咗2款酱汁，可以按个人口味去沾。如果你都挂住泰国嘅味道，呢间可以一试。