影片
更多
2013-07-31
869 浏览
朋友生日book了三张枱，选这里的原因是因为可带狗，有狗仔冲凉区。去度坐底阿姐问要咩茶？因为朋友未到我就话要杯水先，阿姐话要另叫，表示要收钱，咁我就话俾个drink menu嚟睇下，佢就不耐烦地话可要支水先，但要收钱，我就再讲要drink menu睇下先，佢企系度唔出声，我问第三次有冇menu, 佢就劲恶咁话咪系枱啰小姐。我心谂，阿姐，系枱你又唔早讲？我要order,系咪睇下价钱同选择都唔得？差唔多人齐既时候就有个黑衣男走埋嚟问开几多位茶，我地最初八人，但有两个仲嚟紧，所以就话十人，到真系人齐既时候，因为啲椅有手柄而放唔落多两张椅，咁就要求黑衣男换啲冇柄椅，佢叫等等后就问系咪加多两位茶钱？我地报数话十位已加呢两个朋友，朋友企系度又再要求加两个位，即系餐具，佢就再话系咪依家十二人？唉，我地再讲系十人，朋友就企得唔耐烦问黑衣人可唔可以拎两张椅俾佢同个仔先，佢话等等就走咗，返嚟后话要再等，其实隔杂枱就有，就叫佢拎隔离枱个啲？佢就话要问一问，但隔离枱都系我地book既佢又唔知，搞咗成十分钟先可安心坐底。我地叫了好多点心，枱上满了再上新菜时就硬将新菜放上枱上，倒泻晒啲喼汁同水。完全冇谂过要大碟转
去度坐底阿姐问要咩茶？因为朋友未到我就话要杯水先，阿姐话要另叫，表示要收钱，咁我就话俾个drink menu嚟睇下，佢就不耐烦地话可要支水先，但要收钱，我就再讲要drink menu睇下先，佢企系度唔出声，我问第三次有冇menu, 佢就劲恶咁话咪系枱啰小姐。我心谂，阿姐，系枱你又唔早讲？我要order,系咪睇下价钱同选择都唔得？
差唔多人齐既时候就有个黑衣男走埋嚟问开几多位茶，我地最初八人，但有两个仲嚟紧，所以就话十人，到真系人齐既时候，因为啲椅有手柄而放唔落多两张椅，咁就要求黑衣男换啲冇柄椅，佢叫等等后就问系咪加多两位茶钱？我地报数话十位已加呢两个朋友，朋友企系度又再要求加两个位，即系餐具，佢就再话系咪依家十二人？唉，我地再讲系十人，朋友就企得唔耐烦问黑衣人可唔可以拎两张椅俾佢同个仔先，佢话等等就走咗，返嚟后话要再等，其实隔杂枱就有，就叫佢拎隔离枱个啲？佢就话要问一问，但隔离枱都系我地book既佢又唔知，搞咗成十分钟先可安心坐底。我地叫了好多点心，枱上满了再上新菜时就硬将新菜放上枱上，倒泻晒啲喼汁同水。完全冇谂过要大碟转细碟，或者执走啲嘢先，完全唔识serve.
至于食物质素是不过不失, 一般茶楼水准, 食物份量亦够, 建议从服务开始改善。
去厕所重严紧过去保险库，无论你系男女老幼，手上有嘢冇嘢，行到入室内用厕会俾所有待应用十级恶劣态度提醒你唔准换衫，厕所地下湿到似水浸之余亦无厕纸。
总体来说，天气再好，心情再好，去度呢度都会一肚气，想受气，就去海湾食坊啦！
张贴