影片
更多
2021-11-17
1374 浏览
之前已经食过几次夜晚，感觉唔错，因为我想食烧肉，男朋友想食边炉，所以前日去食咗个lunch放题，拣咗鸡煲、边炉、烧肉个种。一坐低就问食唔食鸡煲，要咩辣等，因为男朋友唔算太食得辣，所以叫咗小辣，等大概5分钟就会上咗鸡煲，同时佢会开两边炉，咁就可以食住烧肉等鸡煲熟。中途老板娘？同一个男员工都有帮我哋搞下鸡煲，同埋同我哋讲大概7分钟后食得，7分钟后，我夹咗一旧细啲嘅鸡，老板娘就即刻行过嚟同我哋讲细啲嘅鸡熟晒，但大件嘅可能未熟，所以等多阵好啲，都算几贴心。因为我好钟意食牛同鱿鱼，所以即刻出去夹咗一碟，放中间个行个款牛好好食！都几有牛味，咁应该都唔系贵战嘢嘅，但不论打边炉定烧都ok，鱿鱼有一款系切咗一格格，个款烧完真系冇味，要点酱先好食，想食口感嘅可以夹，想有味嘅就食咖喱个款啦。其他嘅肉我都冇乜点食，因为我都只系想食牛。但系！！！！！男朋友夹咗啲三文鱼，食落系"叔"嘅，因为我唔食三文鱼，所以我都唔知咩味，但之前夜晚去食，同行嘅人都唔觉有咩问题，咁就可能系因为食午市嘅人唔多，所以冇乜点加到嘢食，所以放耐咗。讲下鸡煲同边炉先，强烈建议，食到谭仔5小辣嘅都叫中辣起，因为小辣真系差咁啲嘢咁，又唔系话佢唔
一坐低就问食唔食鸡煲，要咩辣等，因为男朋友唔算太食得辣，所以叫咗小辣，等大概5分钟就会上咗鸡煲，同时佢会开两边炉，咁就可以食住烧肉等鸡煲熟。
中途老板娘？同一个男员工都有帮我哋搞下鸡煲，同埋同我哋讲大概7分钟后食得，7分钟后，我夹咗一旧细啲嘅鸡，老板娘就即刻行过嚟同我哋讲细啲嘅鸡熟晒，但大件嘅可能未熟，所以等多阵好啲，都算几贴心。
因为我好钟意食牛同鱿鱼，所以即刻出去夹咗一碟，放中间个行个款牛好好食！都几有牛味，咁应该都唔系贵战嘢嘅，但不论打边炉定烧都ok，鱿鱼有一款系切咗一格格，个款烧完真系冇味，要点酱先好食，想食口感嘅可以夹，想有味嘅就食咖喱个款啦。其他嘅肉我都冇乜点食，因为我都只系想食牛。
但系！！！！！男朋友夹咗啲三文鱼，食落系"叔"嘅，因为我唔食三文鱼，所以我都唔知咩味，但之前夜晚去食，同行嘅人都唔觉有咩问题，咁就可能系因为食午市嘅人唔多，所以冇乜点加到嘢食，所以放耐咗。
讲下鸡煲同边炉先，强烈建议，食到谭仔5小辣嘅都叫中辣起，因为小辣真系差咁啲嘢咁，又唔系话佢唔香、冇味等，但就系辣啲会好食啲，连我唔太食得辣嘅男朋友都系咁觉得。
边炉嘅主要作用系渌菜，因为烧肉个边真系少油，而菜方面，生菜系力推！煮几耐都唔会好淋，同有爽脆嘅口感，而第二就系杏鲍菇，一直好钟意杏鲍茹种口感，加上辣辣地嘅汤底系一绝！而油麦菜就一般，唔系话唔新鲜，系佢夹埋汤底就觉得有少少奇怪，本身油麦菜嘅味算重，加埋重味嘅汤底就完完分咗晒，汤底有汤底味，油麦菜有油麦菜味。
饮品选择都算多，基本款，啤酒都有齐，仲有啲我冇乜点见过，例如屈臣氏嘅哥喇，虽然我觉得佢唔好饮，甜品方面都有几款，啫喱，豆腐花，雪糕，泡芙等。
最后，男朋友食完有肚痛，应该系关件三文鱼事，但我就乜事都冇，所以要去嘅一系拣晚市，一系就唔好食啲易变坏嘅食物
张贴