影片
更多
2024-04-11
1099 浏览
放假间唔中都会去食返一盅两件嘅点心，慢慢叹番个lunch～想坐得舒服，食物又有质素，好友就介绍咗呢一间位于中环嘅木子园🌟最近推出周末限定 • 2小时任食半自助餐 ，有齐多款冷盘、点心、汤、甜品等，另加一款主食～最吸引一定系任食传统北京烤鸭 😍😍一到门口就见到好精美嘅吊椅，大家一齐影相打卡好开心🤟🏻店内装潢满布心思，优雅之余中央位置仲有一棵好靓嘅樱花树，梳化座位又坐得舒适，成个用餐体验都好唔错🥳先为大家介绍自取区🍴有齐冷盘、精选点心、炸物等，款式多之余refill速度快，店员都好勤力快手呢😀冷盘有四款👉🏻绍兴酒糟醉鸡、四喜烤麸、鸭胸沙律及陈醋青瓜伴云耳。最爱四喜烤麸，面筋索满酱汁，味道咸中带点微甜，特别开胃🤤精选点心/炸物👉🏻叉烧焗餐包、炸小馒头、蒜香虾春卷，三款都系平时去饮茶必叫🤣最出色系叉烧焗餐包，入口甜中带咸、酥中夹香，半肥瘦叉烧口感佳又惹味🌟汤品👉🏻蟹肉粟米羹及素酸辣汤，两款都系热辣辣呈上～蟹肉粟米羹金黄香甜，除咗有粒粒粟米仲有弹牙蟹肉，口感好丰富！酸辣汤嘅素食版真系第一次试，酸甜香辣唔会过腻，秾稠得黎又滑顺～饮紧汤嘅时候，任点点心都到咗～嗌咗唔同款式可以大家开心share👉🏻
想坐得舒服，食物又有质素，好友就介绍咗呢一间位于中环嘅木子园🌟最近推出周末限定 • 2小时任食半自助餐 ，有齐多款冷盘、点心、汤、甜品等，另加一款主食～最吸引一定系任食传统北京烤鸭 😍😍
一到门口就见到好精美嘅吊椅，大家一齐影相打卡好开心🤟🏻店内装潢满布心思，优雅之余中央位置仲有一棵好靓嘅樱花树，梳化座位又坐得舒适，成个用餐体验都好唔错🥳
先为大家介绍自取区🍴有齐冷盘、精选点心、炸物等，款式多之余refill速度快，店员都好勤力快手呢😀
冷盘有四款👉🏻绍兴酒糟醉鸡、四喜烤麸、鸭胸沙律及陈醋青瓜伴云耳。最爱四喜烤麸，面筋索满酱汁，味道咸中带点微甜，特别开胃🤤
精选点心/炸物👉🏻叉烧焗餐包、炸小馒头、蒜香虾春卷，三款都系平时去饮茶必叫🤣最出色系叉烧焗餐包，入口甜中带咸、酥中夹香，半肥瘦叉烧口感佳又惹味🌟
汤品👉🏻蟹肉粟米羹及素酸辣汤，两款都系热辣辣呈上～蟹肉粟米羹金黄香甜，除咗有粒粒粟米仲有弹牙蟹肉，口感好丰富！酸辣汤嘅素食版真系第一次试，酸甜香辣唔会过腻，秾稠得黎又滑顺～
饮紧汤嘅时候，任点点心都到咗～嗌咗唔同款式可以大家开心share👉🏻 珍宝虾饺皇、蟹籽烧卖、红油抄手、陈皮牛肉球、灌汤小笼包、豉味凤爪、萝卜糕、珍珠鸡、鱼肚四宝鸡扎。咁多款最出色系我最爱嘅珍珠鸡，荷叶香渗入糯米，内馅包著腊肠、虾米、冬菇、鸡肉等，每一啖都爆馅超丰富🥳
食到咁上下，系时候要叹主角👉🏻北京烤鸭🪿外皮油亮香脆、鸭肉细嫩，以厚薄适中嘅荷叶饼皮包裹，加以青瓜条、甜面酱等同食，鸭片咬落极之香酥松化、鸭肉肥而不腻，滋味满分💯
主食方面，我哋每人拣几款，可以一齐试多几样💗包括咸蛋虾球、葱爆牛肉、霸王辣子鸡、孜然羊肋排、樱花虾海鲜炒饭，每款卖相都好吸引！我就比较推荐霸王辣子鸡比无辣不欢嘅朋友～辣劲非凡同时又无呛鼻辣味，辣子鸡外酥内嫩，愈食愈香，愈食愈令人停唔到口🔥
最后仲有任食甜品🍮包括生磨蛋白杏仁茶及杨枝甘露，两者我都好钟意！推介有芒果雪糕嘅杨枝甘露，配搭香甜芒果果肉、酸酸甜甜葡萄柚肉，清爽透心凉，夏日食用特别消暑🥳
想饮返两杯嘅记得升级埋$188/位两小时任饮，除咗汽水、果汁、支装啤酒等，仲有意大利气泡酒、红白餐酒及烈酒，饮饱食醉好好relax一番🤟🏻
Weekend Brunch Semi Buffet 逢星期六、日以及公众假期供应，时间为11:30 - 15:30，有兴趣嘅快啲订座啦！☎️28809828/WhatsApp：98858057
木子园🌟
地址：中环皇后大道中139号The L Place地下高层
张贴
