101肉燥飯專門店 (厚福街) (已結業)

好耐无去过台湾，喺香港亦一段时间无食台湾野，今日嚟咗呢间101食个包埋小食、饮品嘅deluxe set！今次叫咗碗蕃茄牛肉面、盐酥鸡同埋杯珍珠latte，整体而言中中挺挺吧，胜在多野食。先讲蕃茄牛肉面。上菜第一时间当然要先饮一啖汤底，呢个几高质的，蕃茄嘅甜酸唔会抢咗本身汤底嘅卤水香味，而系更开胃，系会饮完一啖再一啖嘅程度。而牛肉就相对只系中规中矩，唔算好入味，质地偏干，就突显咗脂肪位嘅油腻感。面质系微微有手工感嘅机制面，算系比坊间材料好丁点，但如果用手作面条，配埋咁靓嘅汤底绝对会系一大加分位。盐酥鸡比我想像嘅份量细份咗一两旧，不过都还好，调味ok的，但都偏干较少肉汁，食完一旧要饮啖汤。珍珠latte算系fusion一点嘅选项，latte正常发挥的，但珍珠嚟讲，作为一间台式餐厅实在要进步一下。我唔会用茶饮店比较，唔使做到黑糖挂杯，始终一间餐厅的确唔使靠饮品嘅花巧生存，但珍珠呢项基本配料至少要煮软，而呢杯嘅珍珠系未透而略为发涨。蕃茄牛肉面卖相：⭐️⭐️⭐️⭐️味道：⭐️⭐️⭐️⭐️价钱：⭐️⭐️⭐️⭐️盐酥鸡卖相：⭐️⭐️⭐️⭐️味道：⭐️⭐️⭐️价钱：⭐️⭐️⭐️珍珠latte卖相：⭐️⭐️⭐️味道：⭐️⭐️价钱：⭐️⭐️⭐️一句总结，食物种类够