燈籠滷味 (登龍街) (已結業)

第一次食台湾卤味就系喺师大嘅灯笼卤味，嚟到香港开虽然定价唔平，但系依个时候食到台湾嘅味道系满足嘅～平日午市有特选午餐，可以优惠价加配台式手摇饮料。店家用台湾总店嘅祖传卤汤，加入多种中药材经慢火熬煮，浓郁入味。经典台湾王子面口感有弹性，同金菇一样好索汤汁，系我最钟意嘅卤味配搭；相比起嚟杏鲍菇虽然juicy，但就未吸到卤汤嘅味；甜不辣Q弹有嚼劲，鸭血滑嫩，加埋酸菜同葱，重口味得嚟系会令人回味。冬瓜仙草柠檬酸酸甜甜好清新啱晒而家嘅天气－冬瓜茶冇得无糖但记得要嗌半糖啊🙈