茶木‧台式休閒餐廳 (MegaBox) (已結業)

今日约咗朋友去MegaBox行街，突然好想吃台湾面，见地下有茶木，而且都几宽敞，一于回味下台湾嘅味道。见餐牌有新野推介，就叫两款面试试。麻辣牛腩拌面($72）牛腩用花椒及卤水炖到劲入味，加上少少辣椒🌶️吃落更野味，喜欢浓味嘅朋友就啱晒啦！除咗牛腩粒仲有半只卤水蛋🥚，少少流心。猪三宝拌面($70)虽然系猪三宝，除有猪肠、猪腩片同猪耳外，仲有鸭血同鸭肾片，味道冇牛腩咁浓味，我就比较喜欢。两碗都主打系自家手工面，因为系粗面，喜欢烟韧口感嘅就啱啦！御脆乌龙珍珠奶茶($43)奶茶颜色偏淡，茶味唔会太浓，珍珠都几多，不过唔知点解痴住咗，要俾d耐性搞先得。😂红枣枸杞桂圆生姜茶($42)唔喜欢太甜嘅朋友可以少甜，因为红枣同桂圆都好够味，饮完即刻觉得好滋润。