你妳 (已結業)

疫情下无得飞，又好挂住台湾，唯有食咗当去咗，满足吓心灵，止一止瘾先！5号套餐 ($70)台湾牛肉面+台式蛋饼 送 汽水或台式饮品台湾牛肉面讲到台湾嘢又点少得牛肉面呢！汤底深啡色，够热，仲好香！牛肉肥瘦均等，带有少少筋，肉质软熟，筋位弹牙咬口，焖得够入味，面口感滑溜Q弹。台式蛋饼(可以拣1款口味：原味/芝士/玉米/肉松/芋泥)加$15可以加多一款馅料，拣咗芝士肉松，热辣辣嘅芝士喺半溶状态下真系好吸引！咬落去外层脆脆哋，入面烟烟韧韧，肉松香甜又有蛋香。白桃乌龙茶口感柔和，茶香中有淡淡嘅白桃香，味道清爽。