牛壹台食 (已結業)

近排买冬甩都经过呢间算系新开既台式餐厅，今日终于试到，价钱适中，份量够大。古早味卤牛饭，唔止饭多，卤肉都多，捞饭食每啖饭都食到卤肉，咸咸甜甜，个汁调得好，令人食指大动。当中仲揾到一D肥猪肉粒，非常惹味。配菜有酸菜 腌萝卜同蛋，每个餐仲有凉拌小菜黑木耳, 酸辣开胃。招牌红烧牛腱心牛肉面，份量多，牛腱纹理靓，好厚切但又够淋，牛肉亦一样，大大旧但十分淋，唔会痴牙幼面吸晒浓郁汤汁，好满足。牛筋同牛展腩都有先卤过，所以更加香。药膳醉香单骨鸡翼，醉鸡翼入味，酒香够，开左边方便客人斯文食，系非常贴心既小食。香橙茶有非常香甜既橙味，鲜味非常。百香果绿茶既清再加百香果既酸甜味，份外解渴。每个餐都有一个好靓既托盘，餐厅布置好有台湾九份既味道，满布灯笼，好舒适。