天天海南雞飯 (ELEMENTS圓方)

营业中

休息中

天天海南鸡(中份)($158)，先讲酱汁，芡汁浸住海南鸡入晒味，食到有蚝油味，另外中间既辣汁唔算好辣，轻轻提升一下鸡肉既味感亦唔会太盖过，海南鸡肉质嫩滑，皮和肉中间带少少啫喱状，系精髓所在。古法骨茶($148)，汤底足料，有药材香味亦带有胡椒香味，配料有猪肚，豆卜和支竹吸晒汤既精华，每支肉骨长度有成个煲既直径咁长，煮得好腍，唔会好难咬开，至少有4支骨或以上。麻辣鱼皮($52)，鱼皮爽口，咬落有烟韧弹牙，而且好滑，直接吸入口中，麻辣鱼皮酱汁当然有麻辣，不过麻辣既香味唔会即刻一食就出，而系先食到有咸甜花生酱味，跟住慢慢渗出麻辣香味。黄金大虾($128)，份量好多件，点知一食原来有d系包住左翠玉瓜，比例大约3成翠玉瓜，7成大虾，可能其他人觉得不值，但我个人觉得仍然好足够2人食，好满足，因为咸蛋黄既香味真系好吸引，好正，外层亦好酥脆。