影片
更多
2022-05-02
798 浏览
见到喺村几特别，一心谂住去食泰国菜，点知想食𠮶间冇开，无奈地只好入呢间。夜晚7点，去到等位。等位讲咗两位，入到去又问你几位。坐低睇完menu叫佢落单，店员竟然话：「我唔得闲，你自己写！」之后就比张白纸我。 写完又问我咩咖喱….青咖哩猪，写到咁清楚都问，我都唔知讲咩好！隔离台就帮佢落，可能我后生啲，觉得我识自己写🤷🏻♀️🤷🏻♀️🤷🏻♀️ 先上菠萝炒饭，同相片都差好远！菠萝炒饭无味，所谓嘅海鲜有一两粒虾仔左右啦。冇几耐个咖喱到咗，所谓嘅猪系猪颈肉。咖喱味道正常，配料有翠玉瓜及红萝卜粒，似食紧中式多个泰式料理。但系叫咗个蒜蓉包食到最尾都未到。之后就到虾饼，虾饼新鲜整起热辣辣，味道算唔错，系全餐最好食嘅一样。上枱嘅时候连酱汁都冇，又要问佢拎先有。追咗两次个蒜蓉包之后先同我讲蒜蓉包卖晒。唔一早讲，唔通我叫个咖喱嚟饮咩？无奈地咖喱冻哂又冇蒜蓉包，只好叫薄饼。虽然都知一定唔好食，但系都系唔想个咖喱浪费咗。个薄饼都系Hea Hea地，劲多油，唔好食。食食吓仲有只昆虫物体喺度游走… 大大扣分！都好耐冇食过一间咁差嘅餐厅，服务真系差到冇朋友，贴钱买难受。食到一肚气，食物又唔系好食，真系black list
见到喺村几特别，一心谂住去食泰国菜，点知想食𠮶间冇开，无奈地只好入呢间。夜晚7点，去到等位。等位讲咗两位，入到去又问你几位。
坐低睇完menu叫佢落单，店员竟然话：「我唔得闲，你自己写！」之后就比张白纸我。 写完又问我咩咖喱….青咖哩猪，写到咁清楚都问，我都唔知讲咩好！
隔离台就帮佢落，可能我后生啲，觉得我识自己写🤷🏻♀️🤷🏻♀️🤷🏻♀️
先上菠萝炒饭，同相片都差好远！菠萝炒饭无味，所谓嘅海鲜有一两粒虾仔左右啦。
冇几耐个咖喱到咗，所谓嘅猪系猪颈肉。咖喱味道正常，配料有翠玉瓜及红萝卜粒，似食紧中式多个泰式料理。但系叫咗个蒜蓉包食到最尾都未到。
之后就到虾饼，虾饼新鲜整起热辣辣，味道算唔错，系全餐最好食嘅一样。上枱嘅时候连酱汁都冇，又要问佢拎先有。
追咗两次个蒜蓉包之后先同我讲蒜蓉包卖晒。唔一早讲，唔通我叫个咖喱嚟饮咩？无奈地咖喱冻哂又冇蒜蓉包，只好叫薄饼。
虽然都知一定唔好食，但系都系唔想个咖喱浪费咗。个薄饼都系Hea Hea地，劲多油，唔好食。食食吓仲有只昆虫物体喺度游走… 大大扣分！
都好耐冇食过一间咁差嘅餐厅，服务真系差到冇朋友，贴钱买难受。食到一肚气，食物又唔系好食，真系black list！中伏！
另外，见到唔少人叫外卖听佢讲等咗一个钟多真系好可怜。
张贴
