影片
更多
2013-05-13
542 浏览
距荃湾港铁站不远嘅荃丰、华都、荃昌中心，经常人流不绝，皆因里面乜都有，潮物、手机、电脑嘢……，食嘅店舖当然都唔少啦，内里有好多小店，大部份都喺平民价，部份都甚具质素，所以过嚟揾食嘅人都唔少，我跟老婆有时都会完咗崇拜走过嚟食晏。近轮都大鱼大肉多咗，想清淡，宜食素啦，家庭式经营嘅「素食新一代」就喺是日之选，卖点就喺平靓正。素食新一代晌荃昌属长爆店，计埋铺面商场走廊位两张折枱，全店都只有大概24个位，铺内啲位仲要非常之窄，基本上肥啲或大只啲，都会觉得有点周身唔聚财。而且，一睇就知装修源用多年，颇为残旧，有点点地踎，不过，晌度食嘢唔会慢慢hea，志在填肚，啲食客又好识做，唔会挜住个位，食完即走，快上快落。部份嘢食晌四周墙上都揾得到，但餐牌就印备咗多款选择，小炒、煲仔菜四、五十蚊有交易；碟头饭就三十零蚊，连意粉都有，粉面则卖廿零蚊左近；想食得「豪」啲，亦有套餐，二人（$98）或三人（$138），包白饭或素翅，送糖水，分别在于只喺前者有两个𩠌，后者则有三个𩠌。最受街坊欢迎就梗喺一人份嘅「是日套餐」，非常抵食，午市卖$28，晚市都只喺略略上调多一蚊鸡，卖$29，已经包例汤、一客两𩠌饭，而菜式共有5款
素食新一代晌荃昌属长爆店，计埋铺面商场走廊位两张折枱，全店都只有大概24个位，铺内啲位仲要非常之窄，基本上肥啲或大只啲，都会觉得有点周身唔聚财。而且，一睇就知装修源用多年，颇为残旧，有点点地踎，不过，晌度食嘢唔会慢慢hea，志在填肚，啲食客又好识做，唔会挜住个位，食完即走，快上快落。
部份嘢食晌四周墙上都揾得到，但餐牌就印备咗多款选择，小炒、煲仔菜四、五十蚊有交易；碟头饭就三十零蚊，连意粉都有，粉面则卖廿零蚊左近；想食得「豪」啲，亦有套餐，二人（$98）或三人（$138），包白饭或素翅，送糖水，分别在于只喺前者有两个𩠌，后者则有三个𩠌。
最受街坊欢迎就梗喺一人份嘅「是日套餐」，非常抵食，午市卖$28，晚市都只喺略略上调多一蚊鸡，卖$29，已经包例汤、一客两𩠌饭，而菜式共有5款可供选择：姜汁炒时菜、汉堡扒、豉汁鳗鱼、节瓜鲜鱿、芙蓉煎蛋。睇见个挂牌同啲字，就知老一辈家庭式手作嘢，唔知啲后生识唔识睇呢？
例汤冬瓜汤喺是日例汤，话晒素菜馆，个汤无肉无太多配料，味道会喺清淡一啲，大大碗，当饮冬瓜水，点都健康过汽水咖啡奶茶啦。
汉堡扒．节瓜鲜鱿难得其中一个𩠌菜喺汉堡扒，真喺好想知佢样貌喺点。估唔到啲套餐𩠌咁鬼多㖞，净喺个汉堡扒就一碟有4件（即喺两块汉堡扒，每块一开二），淋上少少酱油茨汁，众所周知啲扒都喺豆类制品，肉味故然无可能有，但入口挺实几有趣，又有少少黑椒香，都OK㖞。另一味喺节瓜鲜鱿，扮嘢嘅鲜鱿唔多，得三几小块，无论外观同质感都唔多似架啦，当食豆腐干啰，节瓜则几清甜，载满一大碟。
豉汁鳗鱼．芙蓉煎蛋啲「鳗鱼」好鬼死大件，几只手指粗，仲要一客6大件，真正抵食夹「大件」。「鳗鱼」真身喺紫菜包住斋腐皮卷，依件千层腐皮卷好烟韧，豉汁调得蛮不错。芙蓉煎蛋则喺无叉烧、无虾又无火腿嘅清装版，蛋煎得唔老身，内里主要都喺银芽同韮黄，又喺满满一大碟，实在好够份量呀！
虽然食素，但喺查实今餐食得好丰富，正如标题所讲：「大鱼大肉又瓜又菜」，不过食得嚟就相对健康。温馨提示：套餐跟嘅白饭大大碗，女生们最好要求少饭，食唔晒浪费就唔好啦！
题外话/补充资料：
注：依家嘅一人份是日套餐已加至午市为$29，晚市为$30。
(以上食记乃用户个人意见 , 并不代表OpenRice之观点。)
张贴
