Nathanhouse (已結業)

成功转到新工，男朋友话我咁叻女，梗系要请我食饭啦。新工系奥海城附近，于是男朋友就约我返新工嘅第一日系奥海城食晚餐。呢间餐厅好近地铁站，一入到去见到环境亦相当唔错，座位阔落，装修典雅，以木色作为主要色调，甫一步入便感觉心情愉快。本身见到dinner set好抵，觉得颇为吸引，但后尾我地都系决定散叫，可以试多啲唔同嘢。我地嘅前菜系牛油果蟹肉饼，好欣赏佢啲蟹肉同牛油果都超足料，大大啖劲鲜甜，呢个crab cake+牛油果嘅组合都真系几创新，正。欣赏佢个饼身薄薄地，唔会太漏。仲有个炸洋葱圈，炸粉好薄脆，外脆内软，同埋个酱汁酸酸辣辣，好开胃。男朋友order咗个黑蒜安格斯牛扒，牛味重，个黑蒜都好特别，平时都冇乜机会试到。其他蔬菜，譬如翠玉瓜同番茄仔，全部都好好食。我嘅主菜系卡邦尼意粉，菇类有好几只唔同种类，个蛋又流心得好完美，系匠心之作。侍应仲特登黎问洗唔洗要多啲芝士粉，好细心。饮品同甜品都一样高质，果茶饮到有苹果粒，甜品tiramisu更surprising，可可粉、蛋糕、朱古力酱同cream嘅比例系完美，仲有啲碎碎系面头，麦香味浓，好好食！