生記滷味

营业中

休息中

几年前真系好好好好食 ﹗卤水香浓，鸡鸭鹅都非常新鲜嫩口 ﹗又有好多特别食材，例如卤蛋、猪面珠登、鹅肝、大肠、猪脚，等等。但近年质量同味道都一年比一年差，一年比一年口喝 ﹗虽然墙上面贴左不少跟明星合照，但都系多年前既事啦 ~猪骨瘦肉合掌瓜例汤，虽然话系例汤啫，但唔系例牌唔热挂 ﹗汤梗系热到出烟先好味架啦，依家冻到起晒油，而且饮落似饮水，无咩味。卤水鹅盐焗鸡饭，可以拣卤水鸭，价钱平几蚊，但系鹅肉比鸭肉嫩。一见到个卖相吓死人，乱七八糟求其掉晒系饭面就算数，我见依家又唔系好忙，都无咩食客 ﹗HKD33 碟饭，斩个鹅背脊比我食？﹗得𠮶几啖肉，只鸡翼啲肉仲多过佢呀，有无离谱啲呀，鹅背骨并鸡翼饭？﹗伴碟既疑似豆腐干物体两小片又硬又实，咬左啖，就放埋一边。无咩肉食，好唔高兴，今次变相系豉油捞饭，无咩可以讲，食完好颈渴啰。