敍·龍閣

营业中

休息中

今晚同屋企人+亲戚食饭, 由于我到个阵已经坐底坐, 所以有冇乜野前戏我就唔清楚。坦白讲我都系食完先见到呢间野咁多dislike, 不过大部份人主要系针对态度问题, 的确态度上有d姐姐系麻麻地。落单个阵唔讲以为我地得罪左个姐姐, 戴住口罩都感受到佢个燥底样, 之后再追4个白饭佢竟然问返我地几时落单, 其实个姐姐净系跟进问题咪okay lor~ 虽然态度上咁, 但食物系几好gei~咕噜肉 - 呢个整得好开胃, 啖啖肉, 冇乜多余肥肉, 好好送饭象拔蚌 - 呢个都唔差, 属于正常味道, 象拔蚌都算弹牙烧汁薯仔牛柳粒 - 我好钟意食呢个𩠌, 佢个汁好味gei, d薯仔都煮得好淋, 但d牛柳应该煮得过左火, 而且有d牛仲有少少膻味, 有d牛仲痴住d肥膏炸子鸡 - 味道岩岩好, 唔会过咸 (除左鸡翼吸晒d味所以比较咸), 鸡皮都炸得好脆口, 系唯独鸡胸唔知点解斩得咁大旧整体论食饭系唔错, 加埋有d特价菜, 埋单都唔算贵, 而且佢份量唔细碟。如果唔介意d姐姐态度唔太好, 其实可以1试。