影片
更多
2023-02-10
420 浏览
首先，强烈建议大家唔好放过夜，因为店家制作外皮系无油少糖嘅关系，外皮系会变硬！我估就算唔隔日食口感都唔会好似一般大福一样软糯，始终冇油，健康你仲想点！ 加上我放咗雪柜隔日先食，硬到飞天😅 同内馅系分离嘅状态 期望越大失望越大嘅系「日本草莓红豆大福」因为红豆沙口感好干唔够湿润，食落唔似一般豆沙味道同口感，我估应该又系无油少糖健康制作嘅关系，而且食落豆沙蓉配士多啤梨唔太夹，唔融合既感觉。店家使用日本福岗士多啤梨，虽然食落唔算超甜，但新鲜多汁！比较好食系开心果，唔会好甜，仲食到开心果碎粒。钟意大福外皮顶层摆设装饰嘅开心果白朱古力！最底层块开心果脆饼底好脆好香，中层系豆腐忌廉芝士，类似奶冻口感，最有惊喜系呢件！每一啖都食到好浓郁嘅开心果味👍🏻脆皮朱古力提子啫喱大福，四款之中，呢款最甜，但相比起市面一般大福差不多甜度。佢底层嘅提子啫喱系用蒟蒻制成，比较健康低卡路里。因为我本身钟意食朱古力，整体呢款味道都OK！宇治抹茶红豆大福 抺茶味道微苦，红豆蓉口感一样都系偏干，整体嚟讲，样貌精致，味道非常平平无奇有失望、冇惊喜$30-$40/件 呢个味道呢个价钱CP值好低 又或者我拣嘅口味唔系佢热卖嘅款式？但
首先，强烈建议大家唔好放过夜，因为店家制作外皮系无油少糖嘅关系，外皮系会变硬！我估就算唔隔日食口感都唔会好似一般大福一样软糯，始终冇油，健康你仲想点！
加上我放咗雪柜隔日先食，硬到飞天😅 同内馅系分离嘅状态
期望越大失望越大嘅系「日本草莓红豆大福」因为红豆沙口感好干唔够湿润，食落唔似一般豆沙味道同口感，我估应该又系无油少糖健康制作嘅关系，而且食落豆沙蓉配士多啤梨唔太夹，唔融合既感觉。店家使用日本福岗士多啤梨，虽然食落唔算超甜，但新鲜多汁！
比较好食系开心果，唔会好甜，仲食到开心果碎粒。钟意大福外皮顶层摆设装饰嘅开心果白朱古力！最底层块开心果脆饼底好脆好香，中层系豆腐忌廉芝士，类似奶冻口感，最有惊喜系呢件！每一啖都食到好浓郁嘅开心果味👍🏻
脆皮朱古力提子啫喱大福，四款之中，呢款最甜，但相比起市面一般大福差不多甜度。佢底层嘅提子啫喱系用蒟蒻制成，比较健康低卡路里。因为我本身钟意食朱古力，整体呢款味道都OK！
宇治抹茶红豆大福 抺茶味道微苦，红豆蓉口感一样都系偏干，
整体嚟讲，样貌精致，味道非常平平无奇
有失望、冇惊喜
$30-$40/件 呢个味道呢个价钱CP值好低
又或者我拣嘅口味唔系佢热卖嘅款式？
但系！！！呢间主要系sale健康无油少甜，所以买之前要考虑清楚，食落就唔会有好邪恶嘅体验！睇你想要健康定味道！
讲句难听啲 如果味道上比较 确实街边大大件长形嘅长洲芒果糯米糍仲好食过佢😅
即系咁讲，烚西兰花同炸鸡，有冇可能烚西兰花会好食过炸鸡？ 根本冇可比性！
张贴
