博多拉麵別天神 (已結業)

成日听到别天神呢个名好耐，咁啱今晚系北角上完堂，见9点落堂都仲有一个钟头时间堂食，就开个OpenRice睇吓附近有咩食，点知俾我发现附近有间别天神，就二话不说咁冲过去。去到嘅时候9:15pm，见间舖得2个客同2个职员，又冇咩动静收舖，咁就走去架买嘢食机度买嘢食，佢好似日本咁要先买飞再坐低比张飞俾staff，但架机又劲好笑好似金拱门架机咁，好fusion。我就order咗个虾味噌豚骨拉面同一份饺子，我个位咁啱对住个煎饺子炉，就见住果个人将d饺子系个包装袋度拎出嚟放喺个炉度，原来都系日本嚟嘅急冻饺子，就即刻冇咩期望。过咗5分钟左右，个面就先到，份量都几细，对男人嚟讲系唔多够。先试试d汤，劲浓同好有胶质，饮得出系豚骨汤，拉面都好味，个叉烧又瘦瘦地，好啱我哋呢d营养太丰富嘅香港人！最正有啲樱花虾系碗面上面，微微咁有啲虾嘅香味！三扒两拨咁就食晒碗面，连汤都饮埋，所以之后劲口渴！到我食晒碗面饮晒啲汤，个饺子都仲未到，于是我就拖慢少少步伐去完成碗面，正当我夹埋最后一粒粟米嘅时候，个饺子就出现啦！哗！个饺子煎到劲㶶但系又劲干，个饺子个顶𠮶啲皮都有啲硬，唔好食！又系快快手咁食完个饺子，其实都系9:30，