8鍋臭臭鍋 (金巴利道) (已結業)

前几日落雨一个人行下行下有啲肚饿就入咗间餐厅，呢间餐厅主要系一人份打边炉，入去𠮶阵五点几未到食饭时间，冇乜人，所以冇book到位都好快就有得入座。一坐低侍应就俾咗份Menu我，食物嘅选择都算多，有九种唔同味道嘅锅，全部唔同汤底唔同配料，所有餐都配粉丝或饭。Menu背面有小食同饮品。𠮶日我就叫咗个蕃茄白豚锅、荔枝沙冰同埋一个炸花枝丸小食。落左单之后10分钟内𠮶锅同饮品就嚟咗，火锅啲配料全部一早摆晒落个锅度，而粉丝就另上。𠮶荔枝沙冰就不过不失。讲返食物质素先，番茄汤味道几浓，亦都有几个新鲜蕃茄系入面，显得都几真材实料，唔似坊间𠮶啲咁artificial，斋落茄膏，落粉丝索晒啲汤就好适合。而呢个火锅主打嘅白豚都唔错，唔会太肥，亦唔会太老，份量都ok，够食。除咗白豚外，其他配料主要系蔬菜，有冬菇、莲藕、粟米、金菇、娃娃菜等等， 份量唔会太多啱啱好。最令人意想不到岀息嘅系𠮶炸花枝丸，新鲜炸起热辣辣，再配埋甜酸酱，绝对系食过翻寻味。食完七点几，个场都几full下，埋单唔过二百蚊，有火锅，有野饮，有小食，都算抵食，有机会行开尖沙咀不坊试下。