The Point - Pizza & Pasta (將軍澳中心) (已結業)

之前见过有一个Pizza嘅排名，呢间排起榜首，所以一直book mark咗想要黎，发觉佢嘅嘢食认真唔错。意粉黎讲平时好少拣贝壳粉，但见好多人拣，于是就试吓。食过就知点解佢会用贝壳粉，佢个汁真系做得好出色，味道好特别，用贝壳粉可以沾咗好多汁，直头会抢住食，肉粒唔多，肉质软林都好好食。不过就有一两粒贝壳粉黐埋咗，煮得唔够熟硬咗啲。本身最期待个Pizza，上面有好多款唔同嘅海鲜，味道都好特别，不过个人就觉得咸咗少少，可能系啲腌鱼，亦唔钟意腌鱼嘅口感，朋友就觉得好好食。黑松露薯条都推荐，味道好浓郁，芝士同埋黑松露嘅味道唔会互相盖过对方，两只味道都好出，提升咗个脆脆薯条，都系会抢住食嘅一道菜式。本身我系几钟意咖啡嘅香味，但系唔系几钟意咖啡嘅苦涩。甜品一嚟到，就闻到好香嘅咖啡味，同个雪糕同饼都好夹，一边食到咖啡味一边食到甜味，层次丰富。呢间舖头食嘅味道，会同出面食开嘅味道有啲唔同，但系又会令人钟意嘅，所以都可以试吓，下次我会再试吓唔同嘅Pizza，相信佢会有我钟意食嘅Pizza。