神經餵飼 (已結業)

想试呢间神经喂饲好耐，星期六佢开12点，如果大家想黎试下，大约11:45黎排家队等佢开门就差唔多。企系出面排队都几热，不过店员会拎水出黎比大家饮，都算好好。排紧队果阵店员会mark低你个姓同人数，但唔系次次都会咁做，所以多数都系企系出面排队等。.佢个menu会转，今次个weekend menu如下我地嗌左肉碎饭同牛肉卷定食，选择唔算多，如果黎食lunch应该都会拣上面果4款，下午茶就可以拣下面包类。.呢碟肉碎饭都好有泰式风味，不过辣左啲，唔食得辣既朋友可以试下叫佢地少辣，但我地醒唔起就冇叫佢少辣。个牛肉卷卖相好吸引，都有牛味，不过入面啲红萝卜就生左啲。呢杯神经姜蓉梳打有惊喜，有啲姜、薄荷同菠萝，饮落好fresh，系出面排到热辣辣入面饮呢杯就岩哂。