影片
更多
2023-12-29
303 浏览
寻晚平安夜，谂住早少少六点几七点食晚饭先。谂住唔使阻人做生意，又唔使咁迫咁赶。行晒成条女人街两边食肆，结果停咗喺呢间门口，望咗阵餐牌。见到门面同啲相都几好。咁就入咗呢间门面唔错，但系就伏到不得了嘅餐厅。入到去坐低后，就比咗个餐牌我，仲话比我听有乜嘢餐汤同甜品。点餐用qr code我都觉得无乜问题，我睇完都系点个二人餐，前菜就点烟三文鱼配罗马菜沙律，主菜就点咗个黑松露菌配什菌意大利饭，另一个系黑毛猪朳啦，饮品就加钱转特饮，仲有得拣即起或者后起，我觉得又几好吖。我点黑毛猪嘅时候，仲有得比我拣八成熟或者全熟。始终系猪肉，我都系拣返全熟。点完餐无几分钟，就有个女仔攞住两个汤出嚟。最得意嘅，系个女仔唔知点解，放汤嘅时候条腰系伸唔直。唔知系佢只手无力到攞唔起碗汤，定碗汤重到佢单手都好难攞住。佢放碗汤落枱时，条腰系九十度咁。我望住佢啲头发，就嚟hi到我碗汤。我见无事，都唔理佢啦！(但系做一间门面高级嘅侍应，点解唔系扎起啲头发，而系啲前阴可以咁样褛褛幽幽。)一饮啖汤真系有惊喜，真心唔难饮嘅，但系就冻嘅。饮完个汤，未收碟就上沙律。都无所谓啦，个沙律一落枱，就嚟第二个惊喜。半棵罗马菜切都无切，放几块烟三文
入到去坐低后，就比咗个餐牌我，仲话比我听有乜嘢餐汤同甜品。点餐用qr code我都觉得无乜问题，我睇完都系点个二人餐，前菜就点烟三文鱼配罗马菜沙律，主菜就点咗个黑松露菌配什菌意大利饭，另一个系黑毛猪朳啦，饮品就加钱转特饮，仲有得拣即起或者后起，我觉得又几好吖。
我点黑毛猪嘅时候，仲有得比我拣八成熟或者全熟。始终系猪肉，我都系拣返全熟。点完餐无几分钟，就有个女仔攞住两个汤出嚟。最得意嘅，系个女仔唔知点解，放汤嘅时候条腰系伸唔直。唔知系佢只手无力到攞唔起碗汤，定碗汤重到佢单手都好难攞住。佢放碗汤落枱时，条腰系九十度咁。我望住佢啲头发，就嚟hi到我碗汤。我见无事，都唔理佢啦！(但系做一间门面高级嘅侍应，点解唔系扎起啲头发，而系啲前阴可以咁样褛褛幽幽。)
一饮啖汤真系有惊喜，真心唔难饮嘅，但系就冻嘅。饮完个汤，未收碟就上沙律。都无所谓啦，个沙律一落枱，就嚟第二个惊喜。半棵罗马菜切都无切，放几块烟三文喺面。睇就好似摆得几靓，做厨嘅有无谂过个客点放入口食呢？
无切都唔紧要，咁我咪自己切啰。切到一半，第三个惊喜就嚟喇！个意大利饭，居然已经煮好落埋枱。唯有加快速度，食个沙律啦！惊个扒到埋无位。
处理完个沙律，开始食个意大利饭。个饭又真系唔差，够热又够味。因为个意大利饭，好似仲少过人哋啲茶餐份粮，所以好快就食晒。点知食完个意大利饭，好耐都无人收碟，同个黑毛猪等咗好耐先到。佢哋系钟意落枱嘅时候，要个客帮手，攞起啲要收嘅碟嘅习惯！我已经开始燥燥地，不过我老婆话算啦，都唔会有下次叫我忍下。见个黑毛猪卖相几靓，一刀切落去已经觉得有啲唔对路。事关我以前都系做西餐，一块全熟嘅扒，切落去嘅感觉，无理由系弹下弹下嘅。我切开少少，望下中间真系未熟。同佢哋所讲嘅八成熟，跟本系两回事。唔熟就系唔熟，再加上我落单嘅时候，已经系拣全熟。正式西餐嘅，只有三、四、五、七成同全熟。可能我太耐无接触西餐，如果有错大家勿插呀！
我谂住佢哋，都系放入微波炉，丁佢几十秒，咪攞返出嚟啰。点知又等咗几个字，我先再追个餐。个女仔问完又无答我，到我望咗佢几分钟。佢见到我望住佢，佢先走埋嚟同我讲煎紧。点知佢一行开，第二个就攞碟扒过嚟。我一见到真系圣诞惊喜一浪接一浪，佢哋帮我碎上件黑毛猪，应该系放咗上个矖炉度晒熟。咁我应该叫呢个系黑毛猪扒，定系黑毛烧肉好呢？
一咬落去成块柴皮咁，仲要一啲味都无。快啲食完快啲走算，终于有人见到我哋张枱食晒嘢，又系嚟甜品嘅时候，帮佢哋攞住啲要收嘅碟。佢落完枱我都费事等，叫佢比埋啲饮品比我。
到我哋食完两件淋吱吱嘅拿破仑之后，又系等等等。但系嚟嘅唔系饮品，系比张单我。我话嘢饮都未到㖞！佢即刻帮我追，好喇！我老婆杯香蕉乳酪到咗，佢叫我试一啖。我试完觉得，好啱三高人士饮用。除咗有好少蕉味，同少少咁多乳酪味。成杯嘢淡而无味，绝对唔会怕糖份高。嚟咗一杯之后，硬系要我等。等到我又追，终于嚟埋我杯朱古力咖啡沙冰。饮都未饮已经知，最后一伏。我第一次见，沙冰系水流流。我谂住佢哋经营艰难，沙冰粉贵悭得就悭喇。我都谂住饮完走算喇！一饮落去同杯水无分别，分别就系有色同无色。我即刻问个女仔呢杯系乜，佢都仲噏得出系乜。我话要沙冰无沙冰，要朱古力味无朱古力味，要咖啡味无咖啡味。跟住叫佢换杯美式咖啡比我算喇！嚟到不出我所料，仲衰过老麦杯咖啡。比钱嘅时候，仲要无改返张单。想收返沙冰价钱，成间舖嘅管理，真系好有问题。所以唔会再有下次，我都系第一次写食评，估唔到一写就咁长。如果真系睇晒嘅，真系唔好意思！我太长气。
Dinner for two
6 浏览
0 赞好
0 留言
张贴
