一鼎‧台式火鍋 (MOSTown新港城中心(4期))

营业中

休息中

周末就系要同朋友去火锅店吹水食饭。今日我哋去了马鞍山嘅【一鼎‧台式火锅】，环境明亮，店面好大，好适合去放松心情！我哋首先点咗【红烧火牛（红烧和牛汤锅）】，用牛肉牛骨熬成嘅汤底，味道十分鲜美，加上带有一丝辣辣嘅味道，饮起嚟就好爽口🥰朋友点嘅呢份【麻痹鸭（台湾麻辣鸭血锅）】，由于有配料嘅辅助，第一口饮落汤嘅时候特别香，浓郁，麻麻辣辣就好合我胃口😋😋另外一份【特级牛舌】，牛舌特别有嚼劲又柔软，浸透咗汤底嘅精华之后，更加能品尝出牛舌嘅鲜味同埋汤嘅浓郁香味，令人念念不忘👍仲有【鲜甜海虾】甜嫩多汁，海虾细细品尝仲可以食出清新感，自然嘅甜度同埋汤嘅精华结合埋一齐，真系天作之合🤤🤤差啲忘记咗，仲有前菜【肉松皮蛋豆腐】，清淡嘅豆腐，皮蛋嘅蛋香，同埋肉松嘅咸香味搭配埋一齐，真系好开胃好食！今次嘅体验都令我同朋友食得好开心，下次仲要再嚟！