影片
更多
2018-08-19
125 浏览
今日同妈妈去左观塘食晚餐，我地揾左一间好似半私房菜既餐厅，环境同食物味道都好有家既感觉。一坐低店员已经准备左一人一杯八宝茶，茶入面加左红枣，杞子，菊花，圆肉等冲泡，饮落好甜好滋润。身为平时朝九晚六既打工仔，平时都好少煲汤。见到呢度$42就有原宗炖汤，我地一人要左一碗。是日靓汤系花胶雪耳炖鸡，入面真系超足料！入面除左有原条花胶，一大嚿雪耳，仲有冬菇，杞子等等既药材，加埋瘦肉同鸡，啖汤真系好鲜甜。而且应该冇加盐，但都好够味，更健康。虽然呢度叫蒸武门，但唔系得蒸既菜式既！我地一开menu就比呢个土鱿莲藕煎肉饼吸引住。估唔好上碟份量咁多，足足有八块，而且每块都胀卜卜。外层剪到好香脆，入面既猪肉油分刚刚好，唔会好油腻亦都唔会太干搞到好鞋。加埋土鱿同莲藕更加香，好好食！另外要左一份芥末牛柳粒，用蛋黄酱加日式芥末捞出黎既汁包住一粒粒牛柳，有少少攻鼻𠮶种感觉好刺激。而且牛肉本身都好淋，加埋配菜翠玉瓜同埋彩椒亦有助中和肉类带黎既饱肚感，好睇又好食。食咗两个偏浓味嘅菜式之后，我哋叫咗一碟清清地嘅浓汤杂菌浸鱼滑。同样份量亦都系吓亲，每一嚿鱼滑都好大，而且真系好滑口感弹牙，有鱼味但完全唔腥。而旁边嘅杂菌经过上
一坐低店员已经准备左一人一杯八宝茶，茶入面加左红枣，杞子，菊花，圆肉等冲泡，饮落好甜好滋润。
身为平时朝九晚六既打工仔，平时都好少煲汤。见到呢度$42就有原宗炖汤，我地一人要左一碗。
是日靓汤系花胶雪耳炖鸡，入面真系超足料！入面除左有原条花胶，一大嚿雪耳，仲有冬菇，杞子等等既药材，加埋瘦肉同鸡，啖汤真系好鲜甜。而且应该冇加盐，但都好够味，更健康。
虽然呢度叫蒸武门，但唔系得蒸既菜式既！我地一开menu就比呢个土鱿莲藕煎肉饼吸引住。
估唔好上碟份量咁多，足足有八块，而且每块都胀卜卜。外层剪到好香脆，入面既猪肉油分刚刚好，唔会好油腻亦都唔会太干搞到好鞋。加埋土鱿同莲藕更加香，好好食！
另外要左一份芥末牛柳粒，用蛋黄酱加日式芥末捞出黎既汁包住一粒粒牛柳，有少少攻鼻𠮶种感觉好刺激。而且牛肉本身都好淋，加埋配菜翠玉瓜同埋彩椒亦有助中和肉类带黎既饱肚感，好睇又好食。
食咗两个偏浓味嘅菜式之后，我哋叫咗一碟清清地嘅浓汤杂菌浸鱼滑。
同样份量亦都系吓亲，每一嚿鱼滑都好大，而且真系好滑口感弹牙，有鱼味但完全唔腥。而旁边嘅杂菌经过上汤煮之后入晒味。
虽然真系好饱，但系妈妈一定要食饭先满足，所以我都特登要咗一个泰式虾头油炒饭。呢个饭虽然只有虾仁，菜粒，葱同蛋，但正正因为加左虾头油，所以咁简单嘅材料炒出嚟已经好香好好食。而且油嘅份量加得恰到好处，成功增加香味之余，但食完之后碟上面一滴油都冇。
如果冇时间煮饭，但又想食健康住家菜嘅朋友，绝对值得黎试吓！
张贴
