博多拉麵別天神 (已結業)

成日行街都见到呢间自半自助式拉面铺，一开始用自助售卖机拣野食，我同女朋友拣左一人一个套餐，别天神套餐配煎饺子，虾味噌套餐配小龙虾蟹子沙津。别天神套餐配煎饺子汤底冇估错系豚骨汤底，有全只日本半熟蛋，但系蛋普普通通，有D太熟，面底个软硬度都好好食。入面有两块豚肉，都好大块，脂肪比例都好唔错，加上食到咁上下想转下口味可以参考一下秘制调味，如果再唔够可以加埋七味粉，都好好食。至于煎饺子，外脆内软，好多肉汁，得4只都好唔够喉。虾味噌套餐配小龙虾蟹子沙津虾味噌汤底更浓味，配上好多好多樱花虾籽，好有心思嘅配搭，周样地都系两块豚肉同埋有全只日本半熟蛋，虽然面质都系差唔多，但男朋友中意食比较硬身面，相对上面质选择就冇咁大，但系都可以试下秘制调味，相当唔错。最有惊喜真系小龙虾蟹子沙津，用紫菜包住食，好明显食到一旧又一旧嘅小龙虾肉，呢个真系必食。最后，餐厅系用天然竹割箸，姐系无漂白嘅竹筷子，好似健康同安全D咁。虽然系尖沙咀分店地理位置唔系好好，但系大家行开都可以一试。