正斗粥麵專家 (國際金融中心商場)

营业中

休息中

又打风，心情真系麻麻地，朋友话闷闷地不如出街食个宵夜，提议去佢嘅大爱正斗。一坐底，餐牌都唔睇，即刻点咗义烧饱，春卷，粉果，炸两，星州粉米同干炒牛河。先离星州炒米，炒得好香又干身，而且又多义烧同虾，加埋D五柳配料，酸酸地辣辣地，真系好惹味。干炒牛河，D牛肉好多，条条河粉都上晒色，又够味，唔会油淋淋，好食。义烧饱，一定要趁热食，个馅好Juicy，好多义烧，甜甜地，系朋友至爱嘅点心。我就钟意粉果，个皮好薄又通透，又有少少烟韧，加埋D好有口感嘅馅，真心觉得唔错。春卷，热辣辣，好脆，又有大大粒嘅虾肉，点埋个喼汁，仲惹味，话噤快食晒。炸两，肠粉个皮好薄，个油炸鬼仲脆卜卜，加埋甜豉油，味道同口感都一流，每次都一定要食。其实正斗除咗云吞面好食外，佢地嘅点心同炒粉面都好好食，而且佢地嘅水准都好稳定，就算好耐无食，再食都觉得佢嘅味道keep 得住，所以朋友食极都唔厌。