影片
更多
2017-11-14
1770 浏览
元朗一间好出名嘅由潮洲人主理嘅粉面店，除左有名嘅新鲜牛杂啦，仲有每日新鲜手打嘅丸类都系相当出名咖！呢间老字号，好似由幼稚园开始就已经屹立左系呢个地点好耐，经过金融海啸之后物价腾贵，所以呢碗看似普通嘅墨鱼丸河，而家一碗要四十几蚊咖！净买一斤墨鱼丸都要一百六十蚊！问你死未？对我而言，价钱贵的确令人却步，但呢碗河粉有著一种魔力，一两个月内会想去再食一碗嘅魅力！事不宜迟，简单讲下佢点样留住我个心。河粉自家出品，河粉晶莹剔透，一啲都唔粗糙，同汤汁一齐食，非常入味又滑口！至于墨鱼丸，每日新鲜之外，唔多粉又足料，除左会食到墨鱼肉之外，而且非常爽口弹牙！不过，美中不足之处系，其实汤底同丸肉的确比较味重，时常食食下会感到口渴。所以一般光顾时都会叫杯五花茶，幸好唔算太贵，而且都良心嘅份量，叫一杯饮咁就舒缓番味精嘅问题。嗯，总括虽然系贵，但想食就系任性，一而再再而三咁样去帮衬，港岛区食个饭咪又系一样价钱，好奇就去试下呢个贵价墨丸河啦！
呢间老字号，好似由幼稚园开始就已经屹立左系呢个地点好耐，经过金融海啸之后物价腾贵，所以呢碗看似普通嘅墨鱼丸河，而家一碗要四十几蚊咖！净买一斤墨鱼丸都要一百六十蚊！问你死未？
对我而言，价钱贵的确令人却步，但呢碗河粉有著一种魔力，一两个月内会想去再食一碗嘅魅力！事不宜迟，简单讲下佢点样留住我个心。
河粉自家出品，河粉晶莹剔透，一啲都唔粗糙，同汤汁一齐食，非常入味又滑口！至于墨鱼丸，每日新鲜之外，唔多粉又足料，除左会食到墨鱼肉之外，而且非常爽口弹牙！
不过，美中不足之处系，其实汤底同丸肉的确比较味重，时常食食下会感到口渴。所以一般光顾时都会叫杯五花茶，幸好唔算太贵，而且都良心嘅份量，叫一杯饮咁就舒缓番味精嘅问题。
嗯，总括虽然系贵，但想食就系任性，一而再再而三咁样去帮衬，港岛区食个饭咪又系一样价钱，好奇就去试下呢个贵价墨丸河啦！
张贴
