金田家 (已結業)

想食拉面第一时间谂起金田家，之前食过记得质素系非常唔错嘅!! 喺荃新天地都几就脚容易揾!!!环境几舒适阔落，装修简约坐得舒服!!!除咗拉面仲有其他饭类嘅选择，呢个Menu上次嚟嘅时候好似系冇嘅!!!豚肉拉面，一如以往地好味，汤底浓郁而拉面口感啱啱好，豚肉半肥瘦，非常推介!!!滑蛋吉列炸虾饭，个蛋真心滑加左洋葱一齐炒，吉列炸虾炸粉唔厚而虾都好大只弹牙!!!另外加咗个溏心蛋做小食，蛋有流心效果，小小辣几惹味!!!