影片
更多
2006-05-06
33 浏览
原来....>.<! 睇左楼下咁多位o既意见, 我知我今日中晒招, 好后悔冇先睇大家o既食评....今日去西九龙中心途经呢间, 见佢新开又未食过就试下la, 唔试还好, 一试就花左我一段时间打下面堆野........ 次次去明将都食到一肚寿司, 好饱咁走, 今次去左间新分店, 都好饱, 不过系一肚气.. !! 所以平时唔会写野o既我, 今次都忍唔到要出下声。有几点想同大家分享, 尤其对打算去o既朋友, 一定要睇左先!(以下o既野我只会将佢同隔一条街位于西九龙中心o个间做比较)1. 寿司极速进出上到去未坐定己经见条line吉晒, 初头唔知以为d客食得快, 坐定就发觉件事唔系咁正常, 只见好多人口停手停、头岳岳、眼looklook.... 就知道系d寿司出得慢..... 睇晒成条line就系得几碟粟米沙律寿司(人人都唔拎都唔知系咪放左好耐).... 等到冲好茶饮晒成杯先开始有d饭落下肚.... (P.S. 问过佢会唔会有八爪鱼寿司出, 佢话会, 话师傅出完而家呢d就会出, 系咁一等就等到埋单(个几钟), 不过都系未见过一只爪...)2. 回转位教你守珠待兔见条line唔系冇
今日去西九龙中心途经呢间, 见佢新开又未食过就试下la, 唔试还好, 一试就花左我一段时间打下面堆野........ 次次去明将都食到一肚寿司, 好饱咁走, 今次去左间新分店, 都好饱, 不过系一肚气.. !! 所以平时唔会写野o既我, 今次都忍唔到要出下声。
有几点想同大家分享, 尤其对打算去o既朋友, 一定要睇左先!
(以下o既野我只会将佢同隔一条街位于西九龙中心o个间做比较)
1. 寿司极速进出
上到去未坐定己经见条line吉晒, 初头唔知以为d客食得快, 坐定就发觉件事唔系咁正常, 只见好多人口停手停、头岳岳、眼looklook.... 就知道系d寿司出得慢..... 睇晒成条line就系得几碟粟米沙律寿司(人人都唔拎都唔知系咪放左好耐).... 等到冲好茶饮晒成杯先开始有d饭落下肚....
(P.S. 问过佢会唔会有八爪鱼寿司出, 佢话会, 话师傅出完而家呢d就会出, 系咁一等就等到埋单(个几钟), 不过都系未见过一只爪...)
2. 回转位教你守珠待兔
见条line唔系冇野食就系得o个几款冇咩人食o既寿司, 谂住落order叫d三文鱼、八爪鱼寿司食下, 点知d职员话坐回转位唔可以落order! 只有order位先可以!
(注：西九龙中心o个间坐边都可以落order, 仲大部分寿司都会有, 而且一般都唔使等好耐)
3. 从一而终，你可以选拣走但唔可以要求调
既然唔俾落order, 条line又冇野食, 呆坐系度, 所以问佢可唔可以转位坐order位(起码有得落order丫), 点知又话唔俾, 又冇野食又冇得落order又唔俾调位, 算点?
4. 落单后要识追单
等野食期间留意到身后order位d食客向职员追单... 原来坐order位都同一命运, 虽然有得落单可以任点任食好似好正, 不过.... d单唔系失就系慢, 落左都系冇得食.... 唔想等到呆晒o既话, 都系靠自己la, 行两步过隔离拎野食。
5. 超凡寿司
讲到主角─寿司, 唔同其他寿司店比, 同返隔离西九龙中心o个间比, 自问对食物要求唔高, 食开西九龙中心o个间觉得好好食, 不过黎到呢间真系有d顶唔顺!
※吞拿鱼沙律寿司※
一打开个盖... 大镬! 一pad野.... 甚至出水! 一咬.. d味怪怪地, 同平时食开o个d完全唔同, 难食>_<!
※三文鱼寿司※
有两种, 先讲正常o个种, 问题冇咁大, 系细片d同埋冇西九龙o个间咁好食。至于另一种, 我第一次见, 唔知系咪佢地首创, 免治三文鱼寿司! 又系唔小心拎左先知中招, 食落d味又系与别不同, 难食到想净食d饭就算, 有d怀疑系将d头头尾尾捞埋一堆黎整, 咁有心思真系不得不写个"服"字醒佢!
※螺肉寿司※
睇左好多碟, 发觉个师傅真系好有心机, 好多碟都系一件正常配一件先天不足(得一粒细粒o既螺肉)
※鳗鱼寿司※
外表四四正, 内里淡茂茂!
6. 坐门口位有你著数
寿司全部由一个位出(门口o个边), 我坐line尾近toilet位, 有次远望有三文鱼出, 谂住有d野食la, 哈! 黎到我度得返一个个窿.... 有得睇冇得食! 咁o既情况又唔俾落order又唔俾调位, 我走出去投诉, 设诉佢唔俾order但系又冇野食黎! 之后佢再出三文鱼先见佢揾职员拎一盘盘去唔同位置放, 咁大家先分到一两碟试下味... (呢d受欢迎o既寿司根本出得唔够, 碟碟放上line唔使半分钟就俾人拎左)
7. 歌声不绝
顺带一提, 个人觉得o个度播歌都算大声(同埋有可能听到唔少怨声、骂声), 想静静地o既朋友要谂清楚。
P.S. 行完西九龙中心走o个时望到佢门口劲多人等紧, 真系好想叫佢地行多两步花多少少时间等西九龙中心o个间, 两间各方面都差天共地..... 另一方面又真系好服呢间野, 点解做得咁差都会有咁多人去食??? 大家都系第一次???
张贴
