百味鮮辣蟹專門店 (已結業)

终于可以晚市堂食啦！又临近母亲节，当然揾个藉口去，周围试菜食好野啦！🤣🤣🤣住近香港大学站好多选择，最后哩间中餐厅中选。佢地推出新菜式：冰镇咕噜骨(需预订)！！！上抬一盘冰上面有几旧圆碌碌的咕噜骨，除左冻之外，有咩特别呢？一啖咬落去，居然外皮居然烟韧！有d 似食拔丝番薯。味道系大小朋友喜欢的甜甜酸酸味，一旧接一旧，要食就衬外皮冻冻地食，会特别香脆有咬口。 而且里面仲有d热，口感真系要自己食过先知道。$238蒜香冻螺！！！很喜欢食海鲜，不过得两个人唔可以点太多，小食就最好啦！闻落有淡淡酒香蒜香，食落螺有螺味，酱汁入味，鲜嫩唔硬，好味！估计妈妈同小朋友老人家都会中意。一开始食唔会停手。$68脆炸乳鸽好味香脆，上菜时见到系原只，真心有d吓一吓。原来厨师想保持原汁原味，想客人用手撕开黎食。哩度服务唔错，店员当然有俾胶手套同骨碟我地啦！一试真系外脆内嫩，d肉唔会好干。椰果桃胶雪耳汤水 食到差d唔记得拍照🤣椰子味浓，闻都闻到。桃胶营养丰富，椰果有口感，食得几包都会食得落。原价$25，疫情下加$15就有一碗。