同人燒 (已結業)

呢间餐厅简单d黎讲，系室内 bbq，任食任饮，特色系有得烧埋蔬果同海鲜，系平成二十二既斜对面，都几易揾~店家话烧野食之前，都要点一点个水果调既汁，咁样食完bbq先唔会燥热。点既酱汁都系自己调的，蒜蓉好香口好正！ 最正系个辣椒酱，唔会太太太辣，但好好好香，一定要叫黎点下，将蒜蓉同辣椒酱沟埋仲正！ 金菇肥牛平时都会嫌麻烦唔烧，今次咁方便就紧系要烧黎食，洒d七味粉已经好惹味，好食好食; 荔枝烟肉，咸香既烟肉包住清甜既荔枝本身已经非常美味，烤制后可以唔洗落调味料都已经好好食！秘诀系一定要烧到块烟肉微焦。 必叫牛舌！ 厚切兼靓料，肉质弹牙有牛味, 烧到微焦后，摆入口仲有肉汁架~ 值得一食再食 出面人地烧既韭菜十级好食，于是都想自己烧黎食，唔知系味无人地既技巧，烧完有点干，调味料唔给力，无想像中好食，但食得出d韭菜无渣好甜！ 牛油粟米好快熟，粒粒香甜，无得输！ 烧翠玉瓜都系好正，平时韩烧烧黎食既话，一定会烧到干晒，但估唔到bbq反而无事，瓜肉又脆又甜，好钟意。我成晚净系饮佢地既自家制既雪梨水，一黎清甜可口解渴，二黎润肺清热