串燒堂 (已結業)

好开心呀喺西环又揾咗一个好地方食串烧，呢间串烧店，虽然店舖唔系好大，但系有好多唔同类型嘢食，除咗有多款串烧，仲有炸物、小食、甜品……串烧即叫即烧，热辣辣，加埋孜然粉香喷喷，加埋可以拣，辣或者唔辣！蒜蓉烧大茄子（必食）加咗好多蒜蓉，孜然粉，茄子大大块，好滋味。日本一口和牛粒、烧五花腩一口和牛，入口即溶。五花腩肥瘦比例啱啱好。芝士炸鸡估唔到串烧店，都有芝士炸鸡食，炸鸡入边啲芝士又香又滑。流心芝士年糕年糕表面烧到小小㶶，入面烟烟韧韧，一口咬落去，芝士流晒出嚟，好食，食咗两个都唔够，之后我哋两个人再嗌多一碟。烧朱古力香蕉好特别，烧香蕉，香蕉切开一半连皮烧，香蕉越软淋淋，加埋朱古力酱一齐食，做饭后甜品一流。