茶茶台式料理 (已結業)

终于终于放假喇！！！！！！超级感动！！！！即刻约好友食餐好既！！！我地约咗喺大家既中间点，即系旺角食野。今个冬天一d都唔冻，冇出去十下十下，所以想打边炉。本身打算一人一锅，后来见小食几吸引，所以2人share一锅，然后叫小食。近排肠胃唔太听话，所以拣咗药膳豚肉锅（$108），除咗有一般既食材如豚肉、豆腐、粟米外，仲有云耳、枸杞、红枣等。我地追加咗公仔面（$8）。个锅好唔错，汤底既药膳味感觉养生，亦唔会抢去食材味道。相比起锅物，我地更钟意d小食，好有台式味道👍金菇烟肉卷（$28）、香烤鸡肉串（$17）同香烤猪腩片（$18）都落咗孜然粉，而鸡肉串既鸡肉好嫩滑，烤得啱啱好！甜烧菠萝（$22）菠萝好甜好juicy🤤台式小食拼盘（小香肠、鸡翼、花枝丸 各2件）（$43）小香肠好有台湾夜市风味，花枝丸同鸡翼都好好味！朋友饮珍珠奶茶，我就饮忌廉。