手作餃子專門店 (松苑)

营业中

休息中

惹味健康饺子店今次去咗间食咗好多年嘅饺子舖。就系位于屯门嘅＜手作饺子专门店（松苑）＞，叫咗个每次都会食嘅‘’鲜肉冬荫功香辣水饺”我用咗唔同嘅角度去分析一下今次嘅餐饮体验。份量：佢有分六只或者九只，而佢每一只水饺都好大只，所以我自己嚟讲食六只就够饱，如果六只唔够饱，亦都可以加面。味道：细细个就食呢一间手作水饺舖，咁多年来个味道都冇变到，依然系非常之好味。另外啊，佢嘅冬阴功饺嘅酸辣平衡十分之出色，非常之啱香港人进食。肉馅好新鲜，唔会太咸亦唔会太油，另外佢堂食会跟一个汤，𠮶个汤就包闭啦，就系淮山花胶猪骨老火靓汤（无味精）。每次饮呢个汤，都觉得有家的味道，汤入边仲有好多红萝卜添。另外啊，佢哋嘅自家制菜谱亦相当好食。上餐速度：迅速店员态度：良好店内环境：亲民交通地理：便利付款方法：可八达通人均消费：$40Wifi：没有改善方案：没有下次希望继续食冬阴功汤饺。